Денес на теренот со вештачка трева ќе се одигра контролен меч меѓу прволигашите Тиверија Брера и Истатов, со почеток од 17:30 часот.

Овој меч доаѓа како реванш откако двете екипи еднаш се тестираа во Дојран пред околу десеттина дена, тогаш струмичанки беа подобри со 3:5 од „истатовки“.

Стратезите Славе Велков и Кирил Изов ќе имаат можност за уште една проверка за тоа како оди подигањето на формата.

Александар Ванев, Струмица Сити

Второлигашот Брера Струмица денес ќе одигра меѓународен контролен натпревар против Санта Луција, второлигаш од Малта.

Тест-мечот ќе се игра на СЦ „Пандев“ во Струмица со почеток од 17:30 часот.

Овој меч ќе биде последна контролка за тимот на Ѓорге Стојчев со цел да ја провери формата на неговиот тим прови квалитетниот второлигаш од Малта кој го предводи штипскиот тренер Емил Грнев, тим кој има голем квалитет и ќе се бори за влез во Првата лига на Малта.

Александар Ванев, Струмица Сити

В недела со почеток од 19:30 часот, на стадионот „Благој Истатов“ во Струмица ќе се одигра интересен пријателски натпревар меѓу поранешните прволигаши Беласица и Работнички.

Овој дуел ќе биде последната контрола, односно генерална проба за двете екипи пред почетокот на новата сезона во Втората македонска фудбалска лига, која стартува на 15 август. Натпреварот ќе биде одлична можност и за двата стручни штаба да ја проверат формата на своите фудбалери и да ги направат последните подготовки пред првенствените предизвици.

Беласица уште еднаш потврдува дека е организиран клуб, а одлуката овој натпревар да се одигра под рефлектори ќе придонесе за вистински фудбалски амбиент и ќе им овозможи на љубителите на фудбалот да проследат квалитетен контролен натпревар во вечерен термин.

Во првото коло од новата второлигашка сезона, струмичани ќе играат на домашен терен против Осогово, додека Работнички, кој минатата сезона испадна од Првата македонска фудбалска лига, првенството ќе го отвори на домашен терен против Кожуф.

Се очекува дуелот во Струмица да понуди добра проверка за двата амбициозни второлигаши, кои со високи амбиции влегуваат во новата сезона и ќе сакаат со позитивен резултат да ги заокружат подготовките пред стартот на шампионатот.

Александар Ванев, Струмица Сити

Денес на Градскиот стадион во Радовиш се одигра пријателски натпревар меѓу второлигашите Детонит Плачковица и Беласица, каде струмичани беа подобри со голот на Рон Адеми постигнат во самиот финиш од мечот за конечни 0:1.

По првите 45 минути мрежите мируваа, а на полувреме тренерите Горан Здравков и Мартин Алаѓозовски одлучија да прават промени со цел да им се даде шанса на сите играчи и да се провери нивната форма.

За Беласица ова беше трет контролен меч, додека пак за Детонит Плачковица ова беше прв тест-меч.

Новата сезона радовишани ја отвараат против Шкупи во гости, а пак струмичани на домашен терен против Осогово.

Александар Ванев, Струмица Сити

Денес на СЦ „Пандев“ во Струмица беше одигран пријателски меч меѓу второлигашите Брера и Кожуф од Гевгелија, а тимот ланскиот прволигаш од Струмица забележа голем триумф од 4:1.

Овој тест-меч беше уште еден во низата на контролни средби каде стручните штабови и на двете екипи имаа нова прилика за проверка на формата, но и да се види со каков ростер располагаат пред стартот на сезоната во Втора лига закажан за 15 август.

Новата сезона Брера Струмица ја отвара дома против Еуромилк ГЛ, а пак Кожуф ќе гостува кај Работнички во Скопје.

Александар Ванев, Струмица Сити

СВР Струмица, до ОЈО Струмица, поднесе кривична пријава против В.К.(41) од Струмица поради постоење на основано сомневање дека сторил кривични дела „предизвикување општа опасност” по член 288 и „тешки дела против општата сигурност” по член 292 од Кривичниот закон.

На 25.07.2026 околу 22:00 часот и на 26.07.2026 околу 01:00 часот во Струмица, пријавениот подметнал пожари на трактор сопственост на Ж.Д.(70) од Струмица и патничко возило „киа”, сопственост на К.Т. од Струмица. По интервенција на Територијалната противпожарна едница Струмица пожарите биле изгаснати, а повредени лица нема.
В.К. бил лишен од слобода и задржан во просториите на Полициската станица Струмица, а за настанот бил известен јавен обвинител од Основното јавно обвинителство Струмица. Тој бил изведен пред судија од Основен суд Струмица, кој му определил мерка притвор во траење од 30 дена.

На 26.07.2026 во 10:15 часот во Струмица, полициски службеници од СВР Струмица го лишија од слобода Ј,Д.(35) од Струмица. Според пријавеното тој околу 10:00 часот во семејниот дом агресивно се однесувал кон членовите на неговото семејство. Лицето е задржано во Полициската станица Струмица и за настанот е известен јавен обвинител од Основното јавно обвинителство Струмица. По документирање на случајот ќе биде поднесена соодветна пријава.

Од 27 јули до 1 август, ве покануваме на славење со стил! По повод големиот роденден, Разнопромет АС организира недела полна со изненадувања, неверојатни попусти, саеми на фирми, и огромен избор на производи по најниски цени!

ПОПУСТ НА ЦЕЛ АСОРТИМАН ОД 10% ДО 50%!!!!

САБОТА 01.08 РОДЕНДЕНСКИ ПАЗАР СО ИЗЛОЖБА НА ПОВЕЌЕ ФИРМИ ПО ФАБРИЧКИ ЦЕНИ

Сè ќе се одвива во Разнопромет Ас – Струмица, каде ве очекуваат:

Производи за домот, градината, алати, бела техника и многу повеќе!

Ексклузивни понуди од брендови со докажан квалитет

Подароци, дегустации и специјални акции секој ден од настанот!

Не го пропуштајте најголемиот роденденски шопинг настан во регионот!

Искористете го роденденскиот попуст во Разнопромет АС и купете по намалени цени.Продажниот салон на „Разнопромет АС’’ се простира на површина од 2500 м² и со преку 40.000 артикли и се наоѓа на излезот кон Дабиле, на улицата Гоце Делчев бб.

Институциите мора да бидат присутни на терен и координирано да дејствуваат кога земјоделскиот труд и производството се загрозени, порача министерот за земјоделство, шумарство и водостопанство, Борче Серафимовски.

Тој вчера ги посети селата Дабиље и Пиперово во струмичкиот регион, каде што невремето предизвика штети врз градинарските култури и пластениците.

Серафимовски, заедно со градоначалникот на Општина Струмица, Петар Јанков, ги обиколи погодените земјоделски површини во Дабиље, а со градоначалникот на Општина Василево, Славе Андонов, и површините во Пиперово.

Земјоделците ги информирале министерот и градоначалниците за штетите врз градинарските култури и пластениците, како и за последиците врз тековното производство и очекуваните приноси.

СВР Струмица поднесе кривична пријава против А.С.(62) од струмичкиот регион поради постоење основи на сомнение за сторено кривично дело „силување на дете кое не наполнило 15 години“.

Од Министерството за внатрешни работи информираат дека според пријавеното, на 15 јули 2026 година, во семејниот дом, осомничениот извршил кривично дело врз малолетно лице.

Надлежните институции преземаат понатамошни мерки за целосно расчистување на случајот и утврдување на сите околности.