Академија Пандев со „петарда“ за Работнички

ФОТО: ФК Академија Пандев

Академија Пандев го „тресна од земја“ Работнички откако „пукна петарда“ (0:5) за убедлива победа на струмичани во Скопје.

Горан Томовски го отвори резултатот за гостите од Струмица, а Иво Јанакиевски си постигна автогол за дупла предност на Академија Пандев. Ване Крстески пред крајот на првиот дел погоди за 0:3 на полувреме. Во вториот дел Крстески стигна до хет-трик за конечни 0:5.

Во следното коло Академија Пандев на домашен терен ќе игра дерби против тетовска Шкендија.

Академија Пандев потпиша со Најденов и Цикарски, кои се враќаат во мак-фудбалот

Струмичкиот прволигаш Академија Пандев денес промовираше две нови имиња за новата сезона од Првата македонска фудбалска лига. „Пандевци“ минатата сезона беа вицешампиони и настапуваа во Европа. Денес во Струмица беа промовирани Мите Цикарски и Бојан Најденов.

Цикарски настапува на левата бековска позиција, а во Струмица доаѓа од редовите на Ботев Пловдив каде помина година и половина. 29-годишникот претходно настапвуаше и за Вардар и Работнички во Македонија, додека пак на меѓународната сцена беше дел од Газ Метан (Романија), Пас Џианина (Грција), Етников (Кипар), а како младинец беше дел од Партизан.

Во мак-фудбалот се враќа и 30-годишниот Бојан Најденов кој е повратник во Струмица, доаѓа од редовите на црногрскиот тим Искра Даниловрад. Претходно, Најденов настапиваше и за Навбахор од Узбекистан, беше дел од Вардар, Работнички, Хоризонт Турново и Кожуф, додека пак во странство настапуваше и за Лачи, Естегал и Смуха.

Целта на Академија Пандев за новата сезона ќе биде атак на првите три места кои водат во Европа.

На 16 и 17 август ќе се врши земјено прскање за уништување на комарци

Се известуваат граѓаните од општините во Југоисточниот регион, дека на 16 и 17 август 2022 година, во периодот помеѓу 09 – 16 часот ќе се изврши теристичка (по земја) апликација на средство за уништување на ларви од комарци и тоа со следниот распоред:
На 16.08.2022 (вторник), во општините Валандово, Дојран, Гевгелија, Богданци, Радовиш и Конче;
На 17.08.2022 (среда), во општините Ново Село, Босилово, Василево и Струмица.
Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

ОФИЦИЈАЛНО: Серафимовски се врати дома за посилна Беласица

Беласица денес официјализира уште еден значаен трансфер за новата сезона од единствената Втора македонска фудбалска лига.

Искусниот Јордан Серафимовски се враќа во својот матичен клуб за претстојната сезона. Десниот бек во последната година и пол настапуваше за повратникот во Прва лига Силекс каде беше значаен дел од титулите во купот на Македонија и Втора лига – Запад.

Во новата сезона Беласица ќе се бори за кам-бек во фудбалската елита на Македонија.

Андон Стојков нов претседател на ЛК СДММ – Струмица

Андон Стојков е новиот претседател на Социјалдемократската младина на Македонија (СДММ) во Струмица.

Младиот струмичанец Стојков доаѓа на местото на Столе Коциров, кој во претходниот мандат беше претседател на ЛК СДММ – Струмица.

ВРАБОТУВАЊЕ ВО СТРУМИЦА:Печатница „3Д Биг Принт“ има потреба од работник со или без работно искуство!

Поради зголемен обем на работата, печатницата 3Д Биг Принт има потреба од работник со или без работно искуство.

Сите заинтересирани може да се јават на 075/874-789 за повеке информации или во печатницата.

Адреса: Улица Маршал Тито број 69 ( на топчето)

Тиверија, Турново и Василево ќе настапуваат во Трета лига – Исток

Синоќа во Штип, како што најави спортскиот портал Спортска Мрежа, беше одржан првиот состанок за новата сезона од Третата македонска фудбалска лига – Исток, каде беше утврдено кои екипи ќе настапуваат во новата сезона, беше утврдена котизацијата, договорен е ждребот, како и стартот на сезоната.

Во новата сезона во Трета лига – Исток ќе се натпреваруваат вкупно 12 екипи, а по долги години се враќа третолигашкиот фудбал во Богданци и Валандово, додека пак Дојран останува без третолигашки фудбал. Третолигашкиот фудбал по пауза од една сезона се враќа и во Струмица, а Радовиш втора сезона по ред ќе остане без третолигашки фудбал, откако Плачковица се фузираше со второлигашот Детонит, а пак Раклиш не пријави учество.

  • Екипи кои ќе настапуваат во сезона 2022/23 ТМФЛ – Исток: Рудар (Пробиштип), Малеш (Берово), Карбинци (Карбинци), Осогово (Кочани), Овче Поле (Свети Николе), Чешиново 2015 (Чешиново), Брегалница (Делчево), Тиверија (Струмица), Хоризонт Турново (Турново), Василево (Василево), Победа (Валандово) Вардарски (Богданци).

Како што дознава Спортска Мрежа, неофицијално и Академија Чешиново-Облешено е можно да настапуваат во новата сезона, но засега нема официјална потврда.

Котизацијата ќе изнесува 110.000 денари, а од истата 60.000 денари ќе треба да бидат уплатени до 19. аввгуст, додека пак останатите во пролетната полусезона, дознава Спортска Мрежа. Дополнително, клубовите ќе ги плаќаат картоните и казните.

Екипите кои до 19. август нема да ја уплатат котизацијата, нема да настапуваат во новата сезона.

Ждрепката е закажана за 19. август (петок), додека пак стартот на новата сезона е закажан за 4. септември (недела), пишува Спортска Мрежа.

ОФИЦИЈАЛНО: Митрев и Купанов нови засилувања на голманската позиција во Беласица

Беласица за претстојната сезона се засили со два нови играчи на дефицитарната позиција – голман. Митрев Стефан (19) е повратник во струмичкиот второлигаш, а последната полусезона ја мина во екипата на Академија Пандев.

Исто така, 19 годишниот гевгеличанец е нова аквизиција за струмичката гордост, а Филип Купанов кој доаѓа од Академија Пандев, во минатото има настапувно и за Детонит од Радовиш и гевгелиски Кожуф.

„Им посакуваме успешна сезона на Филип и Стефан во плаво-белиот дрес“, велат од клубот.

ОО Црвен крст Струмица денес успешно организираше граѓанска крводарителска акција

ФОТО: Црвен крст на Република Северна Македонија- Општинска организација Струмица

Денес, Општинската организација на Црвен крст Струмица во соработка со Службата за Трансфузиона Медицина организираше граѓанска крводарителска акција. Акцијата се одржа во просториите на Службата за Трансфузиона медицина од 09:00 до 14:00 часот.

„И покрај состојбата со вирусот Ковид -19, акцијата беше успешно реализирана. Крв даруваа 19 крводарители. Со крводарителските акции ја реализираме нашата заложба за заштита на животната средина. Ситните подароци кои ги добиваат крводарителите се во насока на намалување на користењето на амбалажата за еднократна употреба“, велат од ОО Црвен крст Струмица.

Оваа недела Струмица Опен Фестивал 2022 продолжи во духот на спортот и рекреацијата

Оваа недела Струмица Опен Фестивал 2022 продолжи во духот на спортот и рекреацијата. Синоќа на програмата беа шаховски турнир и board games.

Прекрасни настани во коишто учествуваа граѓани од сите генерации исполнети со натпреварувања, вредни награди и ваучери, добра забава и рекреација.

Вечерва на програмата е Street basket традиционално како и секоја година на Струмица Опен Фестивал.