Исчезна малолетничка од с. Баница, се препоставува дека е со лице со кого била во љубовна врска

На 16.07.2021 во 06,30 часот во СВР Струмица Л.М.(30) од с.Баница пријавила дека од нејзиниот дом од Гевгелија се оддалечила нејзината ќерка К.М.(14), за која се сомнева дека е со Д.Н. од с.Сарај, со кого била во љубовна врска. Се преземаат мерки за пронаоѓање на лицето.

Физичка пресметка пред угостителски објект во Струмица

На 17.07.2021 во 03.40 часот Б.С.(29) од Струмица пријавил дека околу 03.30 часот, пред угостителски објект во Струмица, бил физички нападнат од А.М. Се работи на расчистување на случајот.

ФОТО: Голем пожар зафати пилана со погон за производство на столови во с. Ново Село

Денес (недела) 18.07.2021 година во 03.00 часот во с.Ново Село, ТППЕ Струмица со 4 ПП возила и 10 пожарникари спасители интервенираше на гаснење на запалена пилана со погон за производство на столови. Пожарот е целосно локализиран и ликвидиран околу 06.00 часот. Причинета е голема материјална штета.

Во Струмица 5 возачи возеле под дејство на алкохол

СВР Струмица на 16.07.2021 презеде засилени мерки над учесниците во сообраќајот, при што биле констатирани 24 прекршоци, од кои 5 сторени од возачи кои управувале моторни возила под дејство на алкохол. Сите констатирани прекршоци биле соодветно санкционирани.

Пандев и Ангеловски на пример во Агенцијата за млади и спорт

Историскиот пласман на европското првенство на нашата фудбалска репрезентација, како и долгогодишните успешни настапи на еден од најголемите фудбалски легенди беа повод Агенцијата за млади и спорт да организира прием на Горан Пандев и селекторот Игор Ангеловски.

На приемот беа искажани импресиите од историскиот настап на нашата репрезентација на Европското првенство.

„Европското е голем успех за секоја репрезентација, особена за нашата. И покрај големите остварувања во мојата долгогодишна фудбалска кариера, за мене настапот на европско првенство со мојата репрезентација е моментот кој го чекав сите овие години“, истакна Пандев.

Селекторот Ангеловски истакна дека имал огромна чест да биде прв селектор-предводник на репрезентација која настапува на едно големо натпреварување како што е европското првенство.

„Тимот докажа дека кога има слога, има и успех. Безразлика кој од каде доаѓа нашите репрезентативци докажаа дека сплотеноста на тимот е предуслов за тоа што го постигнавме. Покажавме дека сме мала земја со големо срце“, истакна Ангеловски.

Директорот Мојсовски им се заблагодари и им додели благодарници за досегашните успеси и за сите позитивни емоции кои ги предизвикаа кај целокупната нација.

„Јас доаѓам од спортот и знам како треба да се вреднува спортскиот дух. Мојата цел како директор на Агенција за млади и спорт и на секој еден кој бил дел од спортот да го добие тоа што го заслужува, а за тоа потребна е добра организација, тимска работа и пред се’ чесна трудољубива работа и на самите спортисти, како и на клубовите и федерациите кои ги поддржуваат.“

Во Струмица повторно се вози пребрзо

СВР Струмица на 14.07.2021 презеде засилени мерки над возачите на мотоцикли, при што биле констатирани 18 прекршоци, од кои 4 за некористење на заштитен шлем-кацига за време на управување на мотоцикл, 4 за управување без возачка потврда/дозвола, по 2 прекршоци за нерегистриран мотоцикл, изминат рок на важност на регистрација и изминат рок на важност на осигурителна полиса и 4 останати прекршоци. Еден мотоцикл бил одземен. Сите констатирани прекршоци биле соодветно санкционирани. Вчера (15.07.2021) СВР Струмица презеде засилени мерки над возачи кои управуваат моторни возила со брзина поголема од дозволената. Притоа биле констатирани 29 прекршоци, од кои 10 поради управување со возило со брзина помеѓу 30 и 50 километри на час над дозволената и истите се соодветно санкционирани.

Костадинов: Аирлија помали сметки за струја, намалено ДДВ од 18% на 5%

Пратеникот во Собранието на Република Северна Македонија од редовите на СДСМ, Костадин Костадинов на социјалните мрежи информираше дека ДДВ-то за електричната енергија е намалена од 18% на 5% што значи ќе имаме помали сметки за струја.

„Го намаливме ддв за електрична енергија од 18% на 5%. Иако ВМРО-ДПМНЕ на секој начин се обидоа да го блокираат законот, на крај сепак успеавме. Аирлија помали сметки“, напиша Костадинов.

ФОТО: Први интернационалки во ЖФК Тиверија – Јанков и Шебек пристигнаа во Струмица

ЖФК Тиверија Струмица за прв пат ангажира интернационалки во своите редови.

Струмичкиот женски фудбалски клуб се засили со Маријана Јанков (26) и Милица Шебек (24), кои пристигнаа во Струмица и во новата сезона ќе го носат дресот на ЖФК Тиверија Струмица.

Маријана Јанков доаѓа од суперлигашот ЖФК ТЦ Кањижа од Србија, а во минатото има настапувано и за Напредок, Брезница, и Црвена Sвезда. Со Црногорскиот шампион Брезница дури четири години настапуваше во елитното натпреварување Лигата на шампиони. Маријана игра на позицијата играч за врска и е огромно освежување во средниот ред.

Милица Шебек доаѓа од суперлигашот ЖФК Пожаревац – Србија, а во минатото има настапувано и за Тријумф, Драгон и Брезница. Три години е освојувач на Црногорското првенство и со екипата на Брезница настапуваше во Лигата на шампиони. Милица игра на позицијата полушпиц / шпиц и ќе внесе живост во нападот на Тиверија.

Нови Тиверијанки, со своето искуство ќе придонесат во зголемување на самодовербата кај младите фудбалерки и ќе го подигнат квалитетот на играта, а со тоа и на клубот.

ФОТО: Денеска продолжија активностите за асфалтирање на одредени и планирани локации во Општина Струмица

Денеска продолжија активностите за асфалтирање на одредени и планирани локации во Општина Струмица, информираше градоначалникот Коста Јаневски на социјланите мрежите.

Се асфалтираа рововите за инсталации на новиот кружен тек на булеварот „Ленинова“, потоа започна крпењето на ударните дупки на патот Струмица – Просениково и се бетонираше улица во населеното место Вељуса.

Академија Пандев загуби на контролката со Скопје

Повратникот во Првата лига, екипата на Скопје вчера на контролен натпревар со 2:0 ја совлада Академија Пандев во Автокоманда.

Стрелци на погодоците за Скопје беа Христијан Кировски кој погоди во првиот дел и Иван Настевски кој ги постави конечните 2:0 во вториот дел од натпреварот.

Двајцата тренери играа комбинирано, односно им дадоа шанса на повеќе фудбалери.