Category: Струмица

Силекс се засили со дефанзивецот Јордан Серафимовски од Беласица

Силекс денес се засили со искусниот дефанзивец Јордан Серафимовски. 29-годишниот Серафимовски во Кратово доаѓа од редовите на Беласица, каде долго време на стапуваше за овој клуб, а има настапувано и за струмичка Тиверија.

Јордан Серафимов - Беласица 2

Серафимовски ја засилува дефанзивната линија на кратовчани, откако од Силекс си заминаа Аднреј Кировски и Христијан Гроздановски кои го засилија Работнички.

Силекс до 18 јануари ќе се подготвува во Кратово, а потоа заминува на подготовки во Анталија, Турција, каде ќе остане до 1 февруари, за каде се планира и неколку пријателски натпревари.

Игор Паноски четврто засилување за Академија Пандев

Игор Паноски е најновото засилување за Академија Пандев, кој доаѓа од редовите на градскиот ривал Беласица.

Игор Паноски - Академија Пандев

21-годишниот централен дефанзивец се приклучи на тренинзите со сениорскиот тим. Во својата кариера, покрај Беласица, Паноски има настапувано и за прилепска Победа, Партизан Обршани, Металург, Кожуф од Гевгелија, како и 11-ти Октомври.

Од клубот информираат дека во следните денови екипата ќе биде засилена со уште неколку фудбалери, со што истата ќе биде комплетирана за пролетната полусезона.

ЕКСКЛУЗИВНО: Ѓоре Јовановски на чело на Беласица, пристигаат 5 до 6 големи квалитетни засилувања!

Беласица во пролетната полусезона ќе добие сосема нов лик. Како што пишува Спортска Мрежа нов шеф на стручниот штаб ќе биде искусниот стратег Ѓоре Јовановски.

Ѓоре Јовановски - тренер на Беласица

Преговорите се во заврша фаза и се очекува во текот на следните денови истите да финишираат со потпишување на договор меѓу Јовановски и раководството на Беласица.

Искусниот Јовановски во својата кариера ги има предводено Вардар, Слога Југомагнат, Работнички, Милано од Куманово, Металург, ЦСКА Софија, Работнички, Шкендија, Брегалница од Штип, турски Самсунспор. Јовановски исто така е и поранешен селектор на македонската репрезентација.

Според информациите на Спортска Мрежа, струмичани ќе се засилат со 5 до 6 квалитетни засилувања, со што клубот во пролетниот дел ќе има огромен квалитет и прва цел ќе биде сигурен опстанок во македонската елита.

Александар Мишов си замина од Академија Пандев, ќе бара нов клуб

Младиот напаѓач Александар Мишов повеќе нема да го носи дресот на Академија Пандев, откако 22-годишниот фудбалер го раскина договорот со струмичкиот прволигаш и ќе бара нов клуб за продолжување на кариерата.

Александар Мишов - Академија Пандев

За Мишов има интерес од Борец и Струга Трим Љум, со што тој би продолжил да игра во Првата македонска фудбалска лига.

ЖФК Тиверија во понеделник ги почнува припремите

Женскиот фудбалски клуб Тиверија во понеделник ги започнув зимските припреми за пролетната полусезона од Првата женска фудбалска лига.

Тиверија во пролетниот дел нема да може да смета на една фудбалерка со кој клубот се раздели на фер и коректен начин. Станува збор за Миа Головска на која од ЖФК Тиверија и се благодарни за досегашната игра и и посакаа многу успех во кариерата.

ЖФК Тиверија Струмица - ЖФК Скопје 2014 - 1. коло

Од друга страна, Васка Василева доби право за настап во сениорска конкуренција. Василева е дел од ЖФК Тиверија веќе 5 години и потекнува од школата на струмичкиот женски фудбалски прволигаш.

ЖФК Тиверија во пролетниот дел влегува со цел да го нападне првото место и да ја подигне шампионската титула од крајот од сезоната, како и да ја освои Куп-титулата.

 

Васоски ги започна подготовките со Академија Пандев

Академија Пандев од денес ги започна подготовките за пролетната полусезона од Првата македонска фудбалска лига. Новиот тренер Александар Васоски денес го имаше првиот собир со новата екипа.

ФОТО: Дрнка.МК

ФОТО: Дрнка.МК

На првиот собир беа трите нови засилувања, голманот Марко Јовановски, дефанзивецот Коста Манев и крилниот напаѓач Николче Шаркоски.

До 20 јануари екипата ќе се подготвува во Струмица, потоа ќе замина во Анталија, Турција каде ќе остане 14 дена и ќе одигра неколку пријателски натпревари, и на крај повторно подготовки во Струмица.

Првата контролка за „пандевци“ ќе биде против велешки Борец. Целта на струмичкиот прволигаш за пролетниот дел е сигурен опстанок и освојување на Купот на Македонија и на тој начин обезбедување „виза“ за излез во Европа.

Православните христијани го слават Божиќ

Божиќ или Рождество Христово — денот на Христовото раѓање според христијанската традиција. Тоа е втор најголем празник во христијанството, по Велигден. Црквите кои го користат грегоријанскиот календар, вклучувајќи ги сите католички, протестантски и повеќето православни цркви, го прославуваат на 25 декември. Повеќе →

Запознајте ја старата струмичка кујна – САРЛИИ

Оваа типично струмичка баклава се правела само за Бадник, како посна, полиена со зејтин, не со растопено масло. Имала посебно место и значење на бадниковата трпеза. Со запалена свеќа на средината, најстариот во семејството најчесто од страна на таткото, заедно со сите други, посебно децата, излегувале на вратата и го канеле Дедо Божик… Повеќе →

Денес е Бадник – Коледе

Бадник или Коледе се нарекува денот пред раѓањето на Исус Христос (Божик), според христијанската традиција. Според Јулијанскиот календар по кој се раководи Македонската православна црква, Бадник паѓа на 6-ти јануари секоја година, а Божик на 7-ми јануари. Суштината на празникот е во радоста на христијаните пред големиот ден – Христовото раѓање. Истовремено, со овој ден завршуваат и Божиќните пости. Повеќе →

Тиверија ќе се бори за шампионска титула во Првата женска фудбалска лига!

Женскиот фудбалски клуб Тиверија од Струмица во пролетниот дел од Првата женска фудбалска лига ќе се бори за шампионската титула. Струмичките фудбалерки првиот дел од сезоната, односно есенскиот дел го завршија на второто место на табелата со 4 бода помалку од есенскиот и актуелен шампион Каменица Саса кој има 39 бодови.

ЖФК Тиверија Струмица - ЖФК Скопје 2014 - 1. коло

Тиверија одигра фантастична полусезона што ќе понуди атрактивна пролет во борбата за шампионската титула.

Во битка за шампионска титула влегуваат и Деспина од Прилеп која е трета, Скопје кој е четврт и АС Јунајтед кој е петти на табелата со по 34 освоени бодови.

Тиверија има одлична екипа која е воиграна и според есенската форма е најголем кандидат за да дојде со шампионската титула.

За прв пат од следната сезона ќе има и Втора женска фудбалска лига, па од Првата лига ќе испаднат дури седум екипи, односно само првите осум ќе останат во Првата женска фудбалска лига.