Category: Струмица

Астраион на тешко гостување кај Голден Арт КЛ7

Ракометарите на струмички Астраион во понеделник ќе имаат тешко гостување во Скопје, каде ќе се судрат со расположениот Голден Арт КЛ7, во меч до 13. коло од групата А од ракометната Суперлига. Астраион е на последното седмо место на табелата со 4 освоени бодови и ги загуби шансите за плеј-оф. Од друга страна, младиот состав на Голден Арт КЛ7 игра фантастична деби суперлигашка сезона и на мечот против Астраион ќе важи за голем фаворит.

Астраион - Јуниор КВ, 11. коло Група А Суперлига

Натпреварот ќе го судат Ѓорѓи Начевски и Славе Николов од Скопје, додека за делегат на натпреварот е делегиран Душко Камишевски од Скопје. Мечот се игра во „Борис Трајковски“ со почеток од 19:30 часот, истиот ќе биде одигран без присуство на публика согласно мерките и препораките за заштита од Ковид-19.

Дерби-пресметката за врвот меѓу Џио Струмица и Универзитет во Тетово ќе се одигра во понеделник

Големата дерби-пресметка за врвот на табелата меѓу Џио Струмица и Универзитет во Тетово ќе биде одиграната во понеделник. Дербито во рамки на 8. коло од Првата одбојкарска машка лига кое требаше да се одигра на 28 ноември беше одложено и истото ќе се одигра во понеделник.

Џио Струмица - Шкендија во Струмица 3.коло ПОМЛ

Дуелот е важен за двете екипи, бидејќи победник ќе остане на врвот на табелата со 3 бода повеќе од второпласираната екипа. Вомоментот двете екипи ја делат првата позиција на табелата со по 21 освоен бод.

Натпреварот ќе се одигра во Спортската сала „Парк“ во Струмица со почеток од 17:30 часот и истиот ќе биде одигран без присуство на публика, согласно мерките и препораките за заштита од Ковид-19. Мечот ќе може во живо да се следи на МРТ3.

 

Нови 29 лица позитивни на Ковид-19 во Струмица

Во последните 24 часа се направени 3399 тестирања, а регистрирани се 1342 нови случаи на ковид-19 во: Повеќе →

„Пандевци“ полуфиналисти во четири од пет можни категории во Купот на Македонија

Денеска се одиграа четвртфиналните натпревари од Купот на Македонија во младински категории. Од четири екипи, дури три се пласираа во полуфиналето. Младинската, кадетската и помладите пионери со победи над екипите на Шкупи и Брегалица ја продолжија традицијата на Академија Пандев да секоја година атакува на шампионскиот Куп трофеј. Ако овде се додадат и сениорите, „пандевци“ се полуфиналисти во четири од пет можни категории во Купот.

Академија Пандев - млади екипи - Куп

Беласица на домашен терен против Македонија ЃП

Екипата на Беласица во недела на „Благој Истатов“ во Струмица ќе ја пречека Македонија Ѓорче Петров, во напревар од 15. коло од Првата македонска фудбаска лига.

На овој натпревар амбициозните „лавови“ ќе важат за фаворити, пред се поради подобрата екипа и воиграноста на истата. Беласица ќе излезе со единствена цел – победа и можност за скок на табелата до две места и излез од опасната зона. Струмичани на последните пет натпревар имат две победи, две ремија и пораз од Шкупи. Од друга страна, Македонија ЃП има скор од три победи, едно реми и убедлив пораз од 5:0 од лидерот Шкендија, што може лошо да влијае на натпреварот во Струмица, а Беласица може да искористи шанса за да направи изненадување.

ФОТО: Струмица Сити

ФОТО: Струмица Сити

Натпреварот ќе го суди Ецкоски Марјан од Охрид, додека негови помошници ќе бидат Мацевски Ацо и Бакрачески Разме од Струга, за четврт судија е делегиран Ралевски Благојче од Битола. Делегат на натпревар ќе биде Симонов Бернард од Штип, додека за контролор е одреден Коцев Ванчо, исто така од Штип.

Мечот ќе стартува во 13:00 часот и ќе биде одигран без присуство на публика, согласно мерките и препораките за заштита од Ковид-19.

Академија Пандев во недела гостува во Струга

Екипата на Академија Пандев во недела ќе гостува во Струга, каде во меч од 15. коло од Првата македонска фудбалска лгиа ќе се соочи со домаќинот Струга Тум Лум. „Пандевци“ ќе имаа тешка задача на оваа гостување, бидејќи Струга ќе биде „незгоден“ противник и ќе важи за фаворит на овој меч. Во досегашниот тек од сезоната, стружани имаат скор од пет победи, 5 ремија и четири порази, со вкупно 20 освоени бодови се на делба на петтото место со екипата на Силекс.

ФОТО: ФК Академија Пандев

ФОТО: ФК Академија Пандев

Академија Пандев со мотив и единствена цел – победа и излез од резултатската криза, кое може да и донесе скок од едно место и излез од опасната зона.

Главен судија на мечот ќе биде Стојчевски Игор од Скопје, додкеа негови помошници ќе бидат Костадинов Дејан и Петрески Гоце, исто така од Скопје. За четврт судија делегиран е КОстенчев Никола од Скопје. Делегат на мечот ќе биде Бошевски Васко од Бито, додека контролот ќе биде Дивитаров Мендо, исто така од Битола.

Мечот ќе започне во 13:00 часот и ќе биде одигран без присуство на публика, согласно мерките и препораките за заштита од Ковид-19.

Ролинг загуби од Феникс

Кошаркарките на Ролинг 08 загубија од Феникс 2010 со резултат од 86:59, во натпревар од Втората кошаркарска лига – Исток. Струмичките кошаркари се’ уште немаат запишано победа во новата сезона и со шест пораз и 6 освоени бодови се наоѓаат на претпоследнто место на табелата.

КК Куманово 2 - КК Ролинг 08, 1. коло Втора кошаркарска лига - Исток, во Куманово

Екипата на Феникс која без големи проблеми дојде до нова победа, со девет освоени бодови се наоѓа на високото трето место на табелата, и има негатива од 3 бодови во однос на лидерот Ангели.

Баскет Кам со 90:54 без многу мака го совлада МКК Куманово, Ангели со 90:54 запишаа убедлива победа над Про Баскет, Куманово 2 загуби со минимални 81:85 од Борец Баскет, додека мечот меѓу Струмица и Шкупи е одложен.

Лидер на табелата е Ангели со 12 бодови, бод помалку има Борец Баскет кој е втор на табелата.

Спартмани гостува во Карбинци

Екипата на Спартмани која игра одлична сезона во недела ќе гостува во Карбинци, каде ќе се соочи со истоимената екипа во меч од 9. коло од Третата лига – Исток.

Спартмани - екипа 8. коло ТМФЛ - Исток

Спартмани во досегашниот тек од сезоната има запишано пет победи, едно реми и два порази, и со вкупно 16 бодови е на високото четврто место на табелата. Домаќинот Карбинци со една победа, три ремија и четири порази и вкупно шест бодови се наоѓа на десетото место на табелата.

На натпреварот во Карбицни, екипата на Спартмани ќе биде фаворит, пред се поради подобрата екипа и формата во која што се наоѓа. Мечот се игра со почеток од 13:00 часот и ќе биде одигран без присуство на публика, согласно мерките и препораките за заштита од Ковид-19.

Хоризонт Турново на „Кукуш“ ја чека Тиверија

Во 9. коло од Третата лига – Исток, на „Кукуш“ ќе се судрат домаќинот Хоризонт Турново и Тиверија. Двете екипи играат далеку од очекувањта. Турновци влегоа како едни од фаворитите за прво место и влез во Втората лига, но, ритамот за врвот пополека го губат, на натпреварот против очајната Тиверија влегуваат како фаворити за победа и можност да се искачат место погоре на табелата. Турново со 13 бодови е на седмото место на табелата и има негатива од шест бодови во однос на лидерот Брегалница од Делчево.

Хоризонт Турново - Спартмани, 2. коло ТМФЛ - Исток

Тиверија има очајна сезона и тешко да влези во ритам. На осум подиграни натпревар имаат две победи едно реми и пет порази и со вкупно 7 бодови се на долниот дел од табелата, односно на деветото место.

Мечот ќе стартува во 13:00 часот и ќе биде одигран без присуство на публика, согласно мерките и препораките за заштита од Ковид-19.

Беласица реагура на судењето со Шкупи: Срамно судење на првиот судија Иванов

Беласица вчера загуби на тешкото гостување кај Шкупи со 3:1, во меч од 14. коло од Првата македонска фудбалска лига. Преку соопштение струмичкиот прволигаш реагира на срамното судење на првиот судија Иванов Игор.

Шкупи - Беласица, 14.коло ПМФЛ

Соопштението на Беласица во целост:

„Денеска се одигра 14тото коло од ПМФЛ, каде ФК Беласица гостуваше на екипата на ФК Шкупи. Сакаме да честитаме на борбеноста, упорноста и фантастичната игра на нашите фудбалери во текот на сите 90 минути и тоа против екипа претендент за шампионската титула оваа сезона, но истовремено, сакаме да го нагласиме срамното судење на првиот судија Иванов Игор, кој досуди непостоечки пенал за ФК Шкупи, додека за нашата екипа не досуди во два наврата чисти пенали. Притоа, сакаме да напоменеме дека при одлуката за пенал за ФК Шкупи, Иванов најпрво одмавна со рацете, наговестувајќи дека нема пенал, за потоа да си ја преиначи сопствената одлука без сугестија на ниту еден од неговите помошници“, велат од Беласица.

Во следното коло Беласица ја пречекува екипата на Македонија Ѓорче Петров.