Брера Струмица со 4:0 славеше висока победа над повратникот Пелистер, во рамки на 8. коло од Првата македонска фудбалска лига, во натпревар каде битолчани уште од 18. минута остана без играч помалку на теренот, откако Александар Ристевски заработи црвен картон. Марјан Ристовски во судиското надополнување на првиот дел погоди за 1:0 на полувреме.

Во второто полуреме Јанкулов постигна гол за 2:0, а потоа Ивковиќ и Тодоровски за конечни 4:0.

Во следното коло Брера ќе гостува на Чаир кај Шкупи, во рамки на 9. коло, по што ќе следува репрезентативната пауза. Брера Струмица сега е на шесттото место со 11 бодови.

Александар Ванев, Струмица Сити

Продолжува ефикасноста на Меморијалниот турнир во мал фудбал „Благој Истатов“ во Струмица.

Синоќа на трите натпревари беа постигнати голем број на погодоци. Фреитх Оне на првиот меч со 9:3 го декласираше тимот на Серта Конче, каде Трајков постигна четири погодоци, Асанов два, а по еден гол постигнаа Кознулов и Христов, за Серта Конче Јованов беше двоен стрелец, а еден гол постигна Петров.

Во вториот меч Еко Инжинеринг со 4:3 го доби Фреинтх Оне, а на овој меч за победникот стрелци беа Соколов, Кристијан Ристовски, Давид Ристовски и Митров, додека пак за Фреитх Оне Спасов, Христов и Конзулов беа стрелци.

Последниот меч заврши без победник со осум постигнати погодоци, Еклектик и Еко Инжинеринг ремизираа играјќи 4:4, а во пенал серијата Еклектик беше подобар.

Во регуларниот дел за Еко Инжинеринг стрелци беа Јаневски и Богдановски, а Адријан Мицевски беше двоен стрелец, за екипата на Еклектик Мичковски, Маринкоски, Чукарски и Белчовски беа стрелци на погодоци.

Вечерва на програмата се три натпревари. Руски Комерц против Хотел Истатов од 21 часот, еден час подоцна Црна Река против Руски Комерц, а во последниот меч Фреитх Оне против Еклектик како големо дерби на вечерва.

Александар Ванев, Струмица Сити

Со донацијата од семејството Костадинови за детската градинка „Виножито“, се зголемува капацитетот за згрижување на уште повеќе деца во рамки на оваа установа.

Овој хуман гест придонесе и создаде можност да се отвори нова јаслена група со капацитет од 12 деца, со што се излегува во пресрет на родителите кои имаат неопходна потреба од згрижување на своите деца во детската градинка „Виножито“. Пристапноста до услугите за згрижување деца во нашата градинка, од најмала возраст е еден од приоритетите на нашата воспитно-образовна институција.

Радоста и задоволството е големо, без исклучок кај сите и затоа од мое лично име и од името на вработените во детската градинка „Виножито“ упатувам огромна благодарност до семејството Костадинови за овој несебичен гест.

Верувам и се надевам дека овој пример ќе биде мотив за нашите сограѓани – во рамки на сопствените можности, и секако желба, да придонесат за новите генерации. Да ги негуваме вистинските вредности, да ги учиме нашите деца од мали нозе, на хуманост и позитивни вредности.

Децата се нашето најголемо богатство, нашата гордост, нашата радост и нашата иднина.

Директор, Софче Димитријева

Денес волонтери од Клубот на млади при ООЦК Струмица ги поделија и последните донации на училишен прибор.

„Низ основните општински училишта поделивме вкупно 65 ранци целосно опремени со училишен прибор и 7 куферчиња по техничко образование. Благодарност до сите граѓани на Општина Струмица кои донираа, како и до Евротил-М, Дом за стари лица „Отворено Срце“ – Струмица и Терзи Компани ДООЕЛ“, велат од ОО Црвен крст Струмица.

Вчера, волонтери од Клубот на млади при ООЦК Струмица поделија донации училишен прибор на деца од социјално загрозени семејства.

„Беа доделени 5 пакети во с. Колешино и 11 пакети во Општина Ново Село, предадени на одговорни лица од училиштата. Продолжуваме со нашата активност во училиштата во Општина Струмица. Голема благодарност до сите граѓани на Општина Струмица кои донираа училишен прибор, „Офис Плус“, „Просветно Дело“, „Книжара Култура“, „книжарница Бресто“, „Опен Харт“ и „Еко инженеринг“, велат од ОО Црвен крст – Струмица.

Малите црни точки на носот се можеби најголемата пречка во убавиот природен изглед. Постојат повеќе начини и методи на кои можете да се ослободите од нив, но оваа маска се докажала како еден од најефективните.

За да ја подготвите и нанесете дома потребно ви е:

• 1 лажица желатин без вкус
• 2-3 лажици млеко
• Лажица
• Мал сад
• Четка за шминка

Измешајте го желатинот со млекото додека не добиете еднолична смеса. Ставете во микробранова околу 15 секунди.

Проверете колку е топла смесата и ако има потреба почекајте да се олади.

Пред нанесување задолжително промешајте со лажица, а потоа зимајте малку по малку со четка за шминкање очи.

Оставете ја да се исуши и нежно излупете по 15-20 минути.

Важно: Никако не смеете да ја нанесте маската на чувствителните делови од лицето или на веѓите, затоа што е леплива и може да ги оштети.

Учениците и вработените во основното општинско училиште „Даме Груев“ од Куклиш денеска го одбележаа патрониот празник.

На одбележувањето присуствуваше и градоначалникот Костадин Костадинов кој положив цвеќе пред спомен бистата на народниот херој Даме Груев и со големо задоволство ја проследи свечената програма по повод патрониот празник.

Образованието е многу важен процес во развојот на Општината и сите училишта ја имаат максималната поддршка од градоначалникот Костадинов во спроведувањето на квалитетен воспитно – образовен процес.