Второлигашот Беласица од Струмица се огласи преку соопштение по повод шпекулациите кои изминаиот период кружеа околу превземање на струмичкиот второлигаш од страна на туриски инвеститори.

Како што се вели во соопштението на струмичката фудбалска гордост одредени преговори кои ги имале завршиле неуспешно, бидејќи како што се вели барања на инвеститорите не оделе во интерес на ФК Беласица.

Но, како што се вели сега се во завршни преговори со нов турски инвеститор.

„Фудбалскиот клуб Беласица се обраќа до цела спортска јавност во врска со нецелосните шпекулации кои деновиве кружеа на социјалните мрежи во врска со новите сопственици. Сакаме да ве информираме а и да потврдиме дека преговори се водеа со повеќе турски инвеститори, со имињата на споменатите луѓе на повеќе социјалните медиуми течеа долги преговори, но после се беше одлучено да не се прифатат нивните барања затоа што не одеа во интерес на ФК Беласица. Во моментов преговорите продолжуваат и клубот се насочи кон тие кои што уште на почеток беа најсериозни и најискрени во нивните намери за ФК Беласица, преговорите се при самиот крај исто така со турски инвеститор кој е сопственик на една од поголемите компании која се занимава со градежништво и е акционер во повеќе спортови и спортски клубови низ Турција. Сите детали околу официјалното потпишување на договорот ќе бидат наскоро, и ќе бидат споделени најпрво на нашата официјална фејсбук страна и нашиот Инстаграм профил.“

Беласица оваа сезона во Втората лига стави акцент на млади играчи и со нив бележи одлични резултати, веќе утре Беласица ќе гостува во Велес кај Борец, а во рамки на 14. коло на Втората лига.

Александар Ванев, Струмица Сити

Шампионот Струмица доминира во Првата машка одбојкарска лига откако запиша осум од осум и со тоа е на врвот од табелата со 24 бодови на своето конто.

Перфектна сезона играат одбојкарите на Струмица, кои сакаат двојна круна оваа сезона.

На последниот меч одигран во рамки на 9. коло екипата на Струмица во спортската сала „Видое Подгорец“ во Струмица ја декласираше екипата на Македонија Џио со резултат од 0:3 во сетови.

Првиот и вториот сет завршија со 13:25, а пак третиот сет со 15:25.

Во следното коло Струмица е игра против екипата на Сушево како голем фаворит.

Александар Ванев, Струмица Сити

Ако сениорите на Астраион забележаа голем пораз од Метарлуг РА во Автокоманда, како што веќе информираше Струмица Сити, вечерва во спортската сала „Парк“ во Струмица, младинците на Астраион запишаа победа над Металург РА со резултат од 37:33.

Одлично прво полувреме на младите ракометари кои имаа предност од 23:13, а во вториот дел гостинот се обиде да намали и да стигне до изненадување, но сепак струмичани не дозволија изненадување.

Овој натпревар беше од дерби за први бодови, со тоа што Астраион по три порази му се израдува на првиот сезонски триумф и на првите бодови, сега има два бодови, а Металург РА е последен без бодови.

Александар Ванев, Струмица Сити

Фудбалерите на Брера Струмица забележаа минимална но голема победа над Беса од Добри Дол, откако струмичани на Градскиот стадион во Гостивар беа подобри со минималн 0:1, а во рамки на вонредното 16. коло во Првата македонска фудбалска лига.

Роџерс Мато го реши натпреварот, тој беше единствениот стрелец за струмичкиот тим, со што донесе три бодови на контото на Брера Струмица.

Брера Струмица ја забележа својата петта сезонска победа и сега има 19 бодови на своето конто со што се наоѓа на шесттото место на прволигашката табела, но со тоа прави и бодовна разлика во однос на опасната зона.

Струмичани во следното коло на домашен терен ќе играат против Работнички, тоа ќе биде важен меч за двете екипи.

Целата табела од Првата лига е достапна овде.

Александар Ванев, Струмица Сити

Се комплетираше есенската полусезона во Третата македонска фудбалска лига – Исток, со одигрување на деветте кола, а токму во последното есенско коло на стадионот „Кукуш“ се одигра третолигашкото струмичко дерби меѓу Тиверија и Хоризонт Турново.

Овој натпревар требаше да се одигра на општинското игралиште со вештачка трева во Струмица, но поради презафатеност на теренот, истиот се одигра на стадионот „Кукуш“ во Турново.

Млади фудбалери од Струмица и струмичко во двете екипи, одличен натпревар со многу шанси, но и погодоци. Погледнете го во целост овој натпревар.

Тиверија презимува на последното место на табелата во Трета лига – Исток со шест бодови на своето конто, а пак Хоризонт Турново на третото место со 15 бодови.

Во следниот период ќе ви овозможиме да погледнете повеќе натпревари на Тиверија и Хоризонот Турново, како единствени екипи од струмичиот крај кој настапуваат во Трета лига – Исток.

Александар Ванев, Струмица Сити

Екипата на Астраион го запиша осмиот пораз и со тоа заедно со екипата на Преспа Вардар од Ресен се единствените екипи кои немаат триумф и позитивен резултат во тековната сезона од Првата ракометна лига.

Струмичани изминатиот викенд претрпеа тежок пораз на гостување во Автокоманда кај екипата на Металург РА со резултат од 49:25, во рамки на 10. коло

Фаворитот победата ја најави, но и ја потврди уште во првиот дел кога резултатот беше 22:9, со што во вториот дел Металург РА само формално ја потврди високата и убедлива победа.

Нема и што да се додаде за самиот натпревар, освен тоталната доминација на Металург РА против струмички Астраион. Лука Савовски со девет погодоци беше најдобар кај Металург РА, а пак кај Астраион најдобар со 11 погодоци беше Кире Георгиев и практично тој беше најсветлата точка за струмичани на овој меч.

Металург РА е трет со 13 бодови, а пак Астраион е последен без ниту еден бод во рамки на групата А на Првата ракометна лига.

Александар Ванев, Струмица Сити

Фудбалерите на Брера Струмица утре во рамки на вонредното 16. коло на Првата македонска фудбалска лига гостуваат во Гостивар каде ќе се соочат со екипата на Беса.

Меч во кој двете екипи силно атакуваат на трите бодови со цел враќање на победничките патеки, но и собирање на бодовна залиха за пролетниот дел. Брера на последните пет натпревари е во форма со три порази, едно реми и една победа, додека пак Беса нема триумф на последните пет натпревари односно има три порази и само едно реми.

Трите бодови им се важни со цел зацврстување во средишниот дел од табелата. Брера сега е на делба на шесттото место заедно со екипите на Шкупи и Пелистер со по 16 бодови, додека пак Беса е на деветтото место со 13 бодови.

Овие две екипи трипати се соочиле меѓусебно, првото било на пријателски меч каде Беса со минимални 1:0 славеше над Брера Струмица, на второто соочување во рамки на Прва лига екипата на Брера беше подобра со 3:2 од Беса, а пак во Купот на Македонија екипата на Брера беше подобра со 2:0 во однос на Беса.

Натпреварот во Гостивар ќе го суди Игор Стојчевски од Скопје, а натпреварот ќе започне во 13 часот.

Александар Ванев, Струмица Сити

Струмичанецот Јордан Серафимовски ги закачи копачките на клип и се посвети на тренерските води. Тој е легенда на Беласица, влезе во тимот 200-та, а Беласица не го заборава својот поранешен играч.

Пред вчерашниот натпревар во 13. коло на Втората лига меѓу Беласица и Брегалница, Серафимовски доби врамен дрес со бројот 200, толку натпревари одигра Серефимовски за Беласица.

„200 натпревари пожртвуваност, вложен труд во плаво белиот дрес кој значи живот“, кратко истакнаа од ФК Беласица.

Серафимовски сега е тренер во младинските категории на Беласица и пополека навлекува во тренерските води.

33-годишникот во својата кариера покрај за Беласица настапуваше и во Силекс и Тиверија. Во својата кариера има настапувано како во Втората, така и во Првата македонска фудбалска лига.

Со екипата на Силекс во сезона 2020/2021 го освои Купот на Македонија.

Јордановски остава голема трага како фудбалер во Беласица и струмичкиот фубдал, пример за многу млади фудбалери кои треба да го следат.

Александар Ванев, Струмица Сити

Струмичка Беласица со минимални 0:1 загуби од Брегалница во дербито на Истокот од 13. коло во Втората лига, но овој меч го одбележа еден според момент, како што веќе објави Спортска Мрежа, односно дали Беласица беше оштетена за пенал?

Во 23. минута од натпреварот при 0:0 ситуација во шеснаесетникот на Брегалница, на што реагираа фудбалерите на Беласица, но главниот судија Боби Величков не досуди удар од белата точка.

Еве го тој момент од 23. минута, проценете сами дали имаше елементи за најстрога казна и дали реакцијата на фубдалерите на Беласица во тој момент беше исправна за тоа што не добија пенал?

Течеше 23. минута кога по еден прекин топката дојде во шеснаесетникот и заврши во раката на Галевски, но и покрај тоа, судиската тројка на чело со Боби Величков не покажа на белата точка, иако играчите на Беласица простестираа.

СПОРЕД МОМЕНТ НА МЕЧОТ БЕЛАСИЦА – БРЕГАЛНИЦА, ИМАШЕ ЛИ ПЕНАЛ ЗА СТРУМИЧАНИ?

Александар Ванев, Струмица Сити

Беласица минимално со 0:1 загуби од Брегалница во дербито на Истокот, кое се играше во рамки на 13. коло во Трета лига – Исток.

На стадионот „Благој Истатов“ во Струмица беше постигнат еден гол, откако стрелец на истиот беше Зоран Ивановски во првиот дел од мечот, а во вториот дел немаше погодоци.

Беласица го запиша третиот сезонски пораз и останува со 16 бодови на своето конто, со тоа што сега е на 10. место на табелата. Брегалница е втора со 30 бодови.

Во следното коло Беласица ќе гостува во Велес кај Борец, екипа која е претпоследна со пет бодови.

Александар Ванев, Струмица Сити