Фудбалерите на Беласица претпреа нов пораз откако на домашен терен со 1:3 беа поразени од Силекс во меч од вонредното 30. коло од Првата македонска фудбалска лига.

Струмичката гордост по една сезоната помината во Првата лига од следната сезона повторно се враќа во Втората лига – Исток.

Кратовчани први стигнаа до водство откако Пепи Горгиев во 10. минута ја погоди мрежата на Вулиќ. По седум минути беше досуден пенал за домашните, а Бејнамин Демир успешно реализираше за 1:1. Во вториот дел од натпреварот Силекс постигна уште два гола и дојде до посакуваните три бодови. Во 68. минута Давид Манасиевски стрелаше за 1:2, а во 86. минута бугарскиот интернационалец Игнатов ги постави конечните 1:3.

Беласица во следното коло ќе гостува во Тетово каде ќе ги одмери силите со екипата на Ренова.

Струмичани први дојдоа до водство со гол на Даниел Миловановиќ во 24. минута од натпреварот. На старотот од вториот дел Ренова дојде до 1:1 со гол на „џокерот“ Ремзифаик Селмани. До крајот на натпреварот мрежите мируваа и на двете страни.

Академија Пандев сега е на деветото место на табелата со 35 бодови, колку што има и Силес кој е осми, додека Ренова е десета со 32 бодови. Во следното коло Академија Пандев ја чека тешко гостување во Битола кај Пелистер.

Фудбалерите на Беласица минимални загубија на Националната арена „Тодор Проески“ од Вардар со 1:0 во рамки на 29. коло од Првата македонска фудбалска лига.

За вардарци ова беше прва пролетна борба и сламка за спас во елитата, а дали ќе успее во тоа ќе дознаеме веќе во среда.

Единствениот победнички погодок беше постигнат во 31. минута, а стрелец беше младиот Виктор Крстевски.

Беласица веќе е отпишана од Прва лига и есента ќе ја започне како второлигаш во Втората лига – Исток. Струмичките фудбалери слично како и пред две сезони кога експресно отпаднаа од Првата лига, ова сезона истото се случи, само една сезона во Прва лига и повторно назад во Втора.

Беласица е на дното од табелата со 17 бодови, додека Вардар со 31 бод е на претпоследното место на табелата. Во следната година ќе биде домаќин на Силекс.

Во воведниот натпревар од 29. коло од Првата македонска фудбалска лига паднаа пет гола, Силекс со 3:2 славеше над Академија Пандев на домашен терен во Кратово. За фудбалерите на Силекс овие три големи бода се многу важни во борбата за опстанок во елитата.

Кратовчани стигнаа први до водство со голот на Тантуровски Дејан постигнат во 17. минута, а само седум минути подоцна Манасиевски Давид донесе двојна предност за домашната екипа. Во вториот дел Силекс зголеми на 3:0 со гол на Горгиев Пепи во 75. минута, а една минута подоцна Маркоски покажа на белата точка за „пандеци“, а Радески Марјан успешно реализираше за 3:1. Во шест минути игра нововлезениот Димоски Бојан ги постави конечните 3:2.

Силекс сега е на деветтото место на табелата со 32 бодови, додека Академија Пандев со 34 останува на седмото место. Колото ќе биде комплетирано утре кога ќе бидат одиграни останатите пет натпревари.

Младост на домашен терен во Богданци со убедливи 30:19 го надигра струмички Астраион, во рамки на 8. коло од плеј аутот од Супер лигата.

Домашниот состав беше фаворит и во текот на целиот натпревар имаше водство, а младите струмички ракометари имаа сили да стигнат само до израмнување на резултатот, 17:17 по што Младост повторно го врати водството и не дозволи никакво изненадување, а на крај славеше со убедливи 30:19.

Лашчакоу и Лупашко со по шест гола беа најдобри во редовите на Младост, додека кај Астраион со по пет погодоци најдобри беа Кавазов и Касапов.

Беласица на пет кола до крајот од ПМФЛ остана без еден од најдобрите фудбалери, Антонио Каланоски ја напушти Струмица. Иако сезоната од Првата лига се уште не е завршена, за струмичани сите надежи за опстанок се завршени, па од следната сезона се селат во понизок ранг. И да останеше Каланоски до крајот во Беласица, немаше да има повторно шанси за опстанок.

За 26-годишниот крилен играч имаше интерес од неколку клубови, меѓутоа не дојде до трансфер. Каланоски во својата кариера има настапувано и за Тетекс, Победа, Струга Трим Лум, Борец, Силекс, Младост Царев Двор, Еуромилк ГЛ, Металург, Напредок, Локомотива и Охрид.

Фудбалерите на Беласица во недела ќе гостуваат на Националната арена „Тодор Проески“ во Скопје каде ќе ги одмерат силите со Вардар во дерби од дното на табелата, а во рамки на 29. коло од Првата лига.

Струмичкиот прволигаш за жал од следната сезона ќе игра во Втората лига – Исток, а во една таква ситуација е и екипата на Вардар, која од следната сезона би можела да се пресели во Втората лига – Запад.

Вардар е единствена екипа која во пролетниот дел нема победа, додека Беласица пред десетина дена во рамки на 26. коло славеше над Шкупи со минимални 0:1 среде Скопје, па тоа може да биде дополнителна причина струмичани да слават против разнишаниот Вардар.

Натпреварот ќе стартува во 13:00 часот.

Со утрешниот воведен дуел меѓу Силекс и Академија Пандев ќе стартува 29. коло од Првата македонска фудбалска лига.

Во Кратово се игра дерби дуел во битката за сигурен опстанок во елитата. Двете екипи кои на 19. мај ќе играат финале од Купот на Македонија, утре ќе водат тешка борба во првенството за трите бодови. Силекс силно атакува на победа со цел да излезе од бараж зоната, додека „пандевци“ со евентуална победа ќе останат во сигурниот дел од табелата и би можеле да напредуваат едно место на табелата и во таков случај струмичани сигурно би останале во елитата.

Натпреварот ќе стартува во 13:00 часот и ќе може да се следе во живо и на МРТ.

Одбојкарите на Џио Струмица ја освоија шампионската титула во домашното одбојкарско првенство.

Градоначалникот на Струмица, Коста Јаневски им честиташе на струмичките одбојкарки за освоената шампионска титула.

„Ја имав честа лично да им ја честитам освоената шампионска титула на одбојкарите на Џио Струмица и да им се заблагодарам што уште еднаш не направија горди струмичани на нивните континуирани успеси“, напиша Јаневски на официјалната фејсбук страница.

Одбојкарите на Џио Струмица ја продолжија доминацијата во македонската одбојка откако ја освоија шампионската титула и во сезоната 2020/21. Во вториот натпревар од финалето на Првата лига, тие го совладаа Универзитет во Тетово со 3:1 (25:21, 25:18, 20:25 25:15) и со 3-0 во победи ја затворија серијата во којашто влегоа со почетна предност од 1-0 заработена поради тоа што беа победничка екипа од полуфиналната двојка 1-4.

За разлика од натпреварот во петокот во Тетово, Џио Струмица денеска почна со видлива решителност да ја заврши работата и на домашен терен во салата „Парк“ осмипат да се качи на шампиониот трон. Два од четирите сета минаа во целосна доминација на струмичани кои го прославија 16.пехар во клупските витрини. Од 2021 досега, во седум од вкупно деветте сезони Џио Струмица ја заработи двојната круна како што беше и во оваа сезона. Универзитет го одигра првото лигашко финале, вкупно трето сметајќи го и купот, но се уште нема сили да ја запре неприкосновеноста на ривалот којшто беше подобар во сите три финални соочувања (две во купот и едно во првенството).

На вечерашниот натпревар најефикасен беше Марјан Урдов со 17 поени, два помалку забележа Владо Милев, двоцифрен беше и Ристо Николов со 13, а за составот на Џио Струмица Славе Наков придонесе со 9, Васе Михаилов со 8 и Ефтим Ричлиев со 5. Кај Универзитет во Тетово Јовица Симовски имаше 16, Ристо Клопчевски 13, Мирковиќ 12, Бериша 10, а Ѓоргески 2 поена.

Во Струмица денеска заврши 28.сезона во македонската клупска одбојка, а по неа ќе почне репрезентативниот период со настап на црвено-жолтиот национален тим во Европската сребрена лига во мај и во јуни, а потоа и на Европското првенство во септември, второ во историјата на македонската селекција.