Брера Струмица со пораз од екипата на Тиквеш во Кавадарци го заврши есенскиот дел во Првата македонска фудбалска лига, со резултат од 2:1.

Во финишот на првиот дел Давид Манасиевски постигна гол за 1:0 на полувреме, а во финишот на мечот пак Кристијан Стојкоски постигна гол за конечни 2:0. На овој меч главниот судија Игор Стојчевски подели три црвени картони, два за домашниот тим, а еден го за гостинскиот тим од Струмица.

Брера есенскиот дел го заврши на делба на седмото место со 19 бодови колку што има Пелистер, а пролетниот дел го отвара токму со Пелистер во Битола на 16. февруари 2025 година.

Александар Ванев, Струмица Сити

Прва сезонска радост КК Струмица во Втората кошаркарска лига откако струмичките кошаркари беа подобри во рамки на 9. коло.

Во последниот меч од ова коло на натпреварите, Струмица ја забележа својата прва победа. Пред своите верни гледачи во Струмица, тимот славеше минимална победа против младиот состав на Партизан Водно Санс со резултат 78:76.

За домаќините, Исајлоски постигна 14 поени, Милески додаде 11, а Панов реализираше десет. Кај Партизан Водно Санс, Башоски беше најефикасен со 25 поени, Митев постигна 18, Трипуновски придодаде 13, додека Бутемер заврши со 10 поени.

Александар Ванев, Струмица Сити

Беласица со пораз од есенскиот шампион Македонија ЃП ја заврши есенската полусезона во Втората македонска фудбалска лига.

На последниот меч за 2024 година Беласица на стадионот „Благој Истатов“ со 0:4 загуби од најквалитетниот тим во Втората лига. Симеон Христов беше двоен стрелец во првиот дел за 0:2 на полувреме. Во второто полувреме Крсте Велкоски од пенал погоди за 0:3, а пак Марио Станковски за 0:4.

Беласица есенскиот дел го заврши на 10. место на табелата со 19 бодови, а пролетната полусезона ја отвара на домашен терен против Арсими на 15. февруари.

Александар Ванев, Струмица Сити

Брера Струмица во вторник ќе го дознае противникот за четвртфиналето од Купот на Македонија, откако комисијата за натпреварување во рамки на Фудбалската федерација на Македонија информираше дека во вторник со почеток од 15 часот во „Куќата на фудбалот“ е закажано извлечувањето на четвртфиналните парови.

Можен противник на Брера Струмица ќе биде еден од следните екипи: Вардар, Шкендија, Струга Трим Љум, Арсими, Детонит Плачковица, Силекс и Гостивар.

Четвртфиналето ќе се игра на 26. февруари 2025 година со почеток од 14 часот, а ќе се игра еден меч, победникот патува во полуфинале.

Александар Ванев, Струмица Сити

После осум последователни порази за првпат ракометарите на Астраион од Струмица се израдуваа на триумф, откако го совладаа Кичево во спортската сала „Парк“ со резултат од убедливи 37:28, а во рамки на 12. коло на Првата ракометна лига – група А.

Натпреварот Астраион го отвори со водство, а потоа истото се менуваше, за на полувреме струмичани имаат предност од 18:17. Во вториот дел струмичките ракометари доминираа и започнаа да прават сериозна разлика, а на крај триумфираа со високи 37:28.

Васе Наков со осум погодоци беше најдобар кај Астраион, а го следеше Александар Цонев со шест реализации, кај Кичево најдобри со по шест погодоци беа Јован Атанасовски, Стефан Лозаноски и Стефан Стефаноски,

Астраион останува во долниот дел од табелата со два бодови, колку што има токму Кичево, а во следното коло Астраион ќе гостува кај Јехона во Гостивар.

Александар Ванев, Струмица Сити

Утре ќе биде одиграно последното 15. коло со што ќе заврши есенската полусезона во Втората македонска фудбалска лига.

Беласица есенската полусезона ќе ја затвори на домашен терен против лидерот Македонија ЃП, во меч каде „лавовите“ ќе бидат фаворити за трите бодови на патот кон експресно враќање во Првата македонска фудбалска лига, додека пак Беласица ќе се обиде да го изненади лидерот и бодовите да останат во Струмица.

Натпреварот кој ќе се одигра на стадинот „Благој Истатов“ во Струмица ќе го суди Фатмир Бафто од Охрид, а истиот ќе започне во 13 часот.

Александар Ванев, Струмица Сити

СВР Струмица поднесе кривична пријава против М.Х.(18) од Струмица поради постоење основи на сомнение за сторено кривично дело „убиство” и против В.Т.(22) од Струмица поради постоење основи на сомнение за сторени кривични дела „помагање” во врска со „убиство” и „загрозување со опасно орудие при тепачка или караница”.

„На 27.10.2024 пред угостителски објект во Струмица, второпријавениот физички ги нападнал Р.Д.(21), А.Н.(19) и С.Д.(21), сите од Радовиш, додека првопријавениот со остар предмет му нанел повреди на Ѓ.Ѓ., од кои починал“, информира МВР.

Денеска (05.12.2024) во 01.05 часот во СВР Струмица било пријавено дека на магистрален пат А4, делница од село Ново Село кон село Секирник, струмичко,  патничко возило „бмв” со струмички регистарски ознаки, управувано од Д.Ч.(37) од с.Зубово, струмичко, излетало од патот и се превртело. Од здобиените повреди возачот починал на местото на настанот, а лекар од Итна медицинска помош констатирал смрт. Извршен бил увид  од јавен обвинител и увидна екипа на СВР Струмица, а по наредба на јавен обвинител телото на починатиот било дадено на обдукција.

На 04.12.2024 во 17.25 часот во СВР Струмица било пријавено дека на регионалниот пат  во с.Баница, струмичко, патничко возило „фолксваген пасат” со струмички регистарски ознаки, управувано од В.С.(38) од с.Баница, струмичко, удрило во четири малолетници од с.Баница, кои во моментот туркале патничко возило „фолксваген пасат” со струмички регистарски ознаки,  управувано од М.М.(46) од с.Баница, а потоа удрило во бетонски ѕид. Во несреќата со тешки телесни повреди се здобиле две малолетнички, а со телесни повреди се здобил возачот В.С., констатирани во Медицинскиот центар Струмица. Извршен бил увид од увидна екипа од СВР Струмица.

Вечерва започнува Новогодишниот турнир во мал фудбал „Куклиш 2024“, откако вчера беа извлечени групите. Вкупно 24 екипи ќе земат учество, кои се поделени во шест групи со по четири екипи.

Првопласираната екипа ќе добие 150.000 денари парична награда, втората екипа ќе освои 70.000 денари, третопласираната екипа 30.000 денари, а пак четвртопласираната екипа 10.000 денари. Дополнително ќе има награди и за најдобар играч, најдобар стрелец и најдобар голман.

Во 19 часот турнирот го отвараат Вистони ЖП и Еро Градба

Во 20:00 часот Чореви Транс ќе се соочи против ЕАМ Џурџу, а пак еден час подоцна односно од 21 часот Фенербахче против Јови МК.

Александар Ванев, Струмица Сити