Утре во Струмица ќе се одигра пријателски меч на стадионот „Благој Истатов“ со почеток од 13:30 часот. Второлигашот Беласица ќе се тестира со прволигашот Шкендија, што ќе биде прв тест и за двете екипи.
Веќе од утре екипите како од Првата, така и од Втората лига ќе започнат со одигрување на пријателски натпревари, со цел темпирање на формата за пролетниот дел од сезоната.
Овој викенд ќе се одиграат повеќе пријателски натпревари.
Александар Ванев, Струмица Сити
Прволигашот Брера Струмица ги закажа пријателските натпревари преку кои ќе ја темпира формата за пролетните предизивци кои ќе претстојат пред струмичани.
Првиот пријателски меч Брера го игра во Радовиш против второлигашот Детонит Плачковица на 22. јануари, три дена подоцна следува меѓународен пријателски меч против Марек Дупница од Бугарија, на 29. јануари против Брегалница во Штип.
За 1. февруари е закажан нов меѓународен пријателски меч против Беласица Петрич од Бугарија, меч кој ќе се одигра во Петрич, Бугарија, а „генералката“ ќе биде против Тиквеш на 8. февруари.
Брера Струмица претрпи големи промени во играчкиот кадар, заминаа доста фудбалери, а во следниот период ќе се очекуваат и првите зимски засилувања, со што Брера сигурно е дека ќе ја очекува неизвесна пролет за опстанок во Првата лига. Пролетниот дел струмичани го отвараат во Битола против Пелистер.
Александар Ванев, Струмица Сити
Есенскиот шампион во Првата женска фудбалска лига, екипата на Тиверија Брера од Струмица, ги започна подготовките за пролетниот дел каде струмичанки ќе водат борба за освојување на титулата во домашното првенство.
Тиверија Брера одигра одлична есен со одлични резултати за себе, од овој момент започнува нивниот поход кон титулата, а со тоа и обезбедување на излез во Европа. Прволигашот од Струмица е единствениот тим кој во есенскиот дел не забележа пораз односно има учинок од 12 победи и едно реми со најдобар напад кој реализирал 68 погодоци и најдобра одбрана која примила пет погодоци.
Тиверија Брера на своето конто има 37 бодови, Каменица Саса е втора со 33 бодови, а пак актуелниот шампион Љуботен е трет со 31 бод. Овие три екипи ќе ја водат пролетната борба за титулата.
Во следните денови ќе бидат претстави и првите зимски засилувања, а ќе биде објавени и пријателските натпревари кои тимот ќе ги договори за да се темпира формата за пролетниот дел.
Пролетниот дел Тиверија Брера го отвара прротив СЦ Истатов на гостински терен.
Александар Ванев, Струмица Сити
По шест месеци Александар Коцев се врати во редовите на Беласица и во пролетниот дел ќе го носи дресот на струмичката фудбалска гордост.
Се работи за млад и талентиран играч, кој веќе влезе во клубот 100 на Беласица со над 100 одиграни натпревари.
Коцев ќе претставува големо засилување и освежување во средниот ред и нападот на Беласица за пролетната полусезона во Втората лига.
Беласица веќе ги започна подготовките за пролетниот дел, а истиот го отвара на домашен терен против Арсими.
Александар Ванев, Струмица Сити
Беласица ги започнува подготовките за пролетната полусезона во Втората македонска фудбалска лига под водство на шефот на стручниот штаб, Александар Стојанов.
Во Беласица се врати Александар Коцев, а доаѓа и Александар Богданоски од Кожуф, двајцата играчи и официјално беа промовирани во редовите на Беласица.
Стојанов го има утврдено планот за подготовки на екипата, а како што веќе објавивме, утврдени се и пријателски натпревари преку кои струмичката фудбалска гордост ќе ја темпира формата за пролетниот дел. Беласица на 17. јануари ќе го одигра првиот пријателски меч против тетовска Шкендија, на 22. јануари ќе игра против Вардар Неготино, три дена подоцна со Детонит Плачковица.
На 28. јануари ќе следува меѓународен меч со Струмска Слава од Бугарија, на 1. февруари против Кожуф, а пак „генералката“ ќе биде против Септември Симитли, меѓународен меч со екипата од Бугарија.
Пролетната полусезона Беласица ја отвара на домашен терен против Арсими.
Александар Ванев, Струмица Сити
Второлигашот Беласица од Струмица го промовираше Александар Богданоски како ново зимско засилување за пролетната полусезона.
Се работи за играч кој е роден 2005 година, а кој доаѓа од екипата на Кожуф од Гевгелија, се работи за талентиран играч кој ќе го засили нападот на струмичката фудбалска гордост и ќе биде освежување во тимот.
Пред Кожуф, Богданоски беше дел од екипата на Шкупи.
Пролетниот дел екипата на Беласица го отвара во Струмица на домашен терен против Арсими.
Александар Ванев, Струмица Сити
Прволигашот Брера Струмица денес ги започна подготовките за пролетнито дел од сезоната, со првиот тренинг кој се одржа на стадионот „Благој Истатов“ во Струмица.
Прволигашот со изменет лик ќе настапува во пролениот дел, откако голем дел на играчи заминаа од клубот, а струмичкиот прволигаш разговара за ангажман на нови и млади играчи. На местото на Горазд Михаилов е назначи Тони Атанасов да го води тимот во пролетните предизвици.
Повеќе од јасно е дека Брера Струмица ќе има тешка пролет, бидејќи повеќе екипи ќе водат борба за опстанок, па целта ќе биде собирање бодови и колку што е можно порано обезбедување на опстанокот.
Клубот планира да одигра неколку пријателски натпревари кои ќе бидат повеќе од потребни за воигрување пред се на новите играчи кои ќе пристигнат во Струмица. Пролетниот дел Брера го отвара против Пелистер во Битола.
Александар Ванев, Струмица Сити
Беласица ги започнува подготовките за пролетната полусезона во Втората македонска фудбалска лига под водство на шефот на стручниот штаб, Александар Стојанов.
Во Беласица се врати Александар Коцев, а доаѓа и Александар Богданоски од Кожуф, двајцата играчи и официјално беа промовирани во редовите на Беласица.
Стојанов го има утврдено планот за подготовки на екипата, а како што веќе објавивме, утврдени се и пријателски натпревари преку кои струмичката фудбалска гордост ќе ја темпира формата за пролетниот дел. Беласица на 17. јануари ќе го одигра првиот пријателски меч против тетовска Шкендија, на 22. јануари ќе игра против Вардар Неготино, три дена подоцна со Детонит Плачковица.
На 28. јануари ќе следува меѓународен меч со Струмска Слава од Бугарија, на 1. февруари против Кожуф, а пак „генералката“ ќе биде против Септември Симитли, меѓународен меч со екипата од Бугарија.
Пролетната полусезона Беласица ја отвара на домашен терен против Арсими.
Александар Ванев, Струмица Сити
По раскинот на соработката со досегашниот тренер Горазд Михаилов, Брера Струмица официјално го именуваше новиот стручен штаб за пролетниот дел од сезоната. Тренерската палка ќе ја преземе Тони Атанасов, а негов помошник ќе биде Панче Стојанов. Оваа одлука е донесена од Управата на клубот, кој ги потврди новите предводници на првиот тим, кои ќе го водат клубот во подготовките и натпреварите од пролетниот дел од Првата лига.
Атанасов и Стојанов се добро познати во струмичката фудбалска јавност. Двајцата оставија значаен траг како фудбалери, а потоа и со својот ангажман во младинските погони на Академија Пандев. Сега, со новиот предизвик во Брера Струмица, тие ќе се обидат да го подигнат тимот и да извлечат максимум од фудбалерите кои во есенскиот дел ја завршија сезоната на осмата позиција.
Со нив во стручниот штаб ќе биде и Дарко Коцев, кој ќе биде кондиционен тренер, додека Ѓорги Шопов ќе се грижи за тренерската работа со голманите. Целта на новиот стручен штаб е да го подобри настапот на тимот и да се обиде да го врати на вистинскиот пат во борбата за подобри позиции на табелата.
„Подготвките ги започнавме денес и до стартот на вториот дел од првенството ќе работиме на подигнување на физичката кондиција но и на техничко тактички план. Според планот ќе се работи секојдневно а планирани се и неколку контролни средби со кои ќе се подигне нивото на екипата за првенствените и куп мечевите напролет. Паралелно како клуб работиме и на ангажирање фудбалери кои заедно со потенцијалот што го поседуваме ќе го носат товарот во преостаниот дел од првенството“, вели Атанасов.
Брера Струмица се надева дека со оваа нова тренерска структура и професионален пристап, клубот ќе постигне значителен напредок во пролетниот дел од сезоната и ќе ги оправда очекувањата на своите навивачи.
Александар Ванев, Струмица Сити
Екипата на Брера Струмица продолжува со реконструкцијата на тимот и не го продолжи договорот со Бразилецот Мартинс Де Паула Кауан.
24-годишниот дефанзивец, кој успешно покрива и позиција стопер и лев бек, пристигна во клубот во јануари минатата година. По само една година во Струмица, тој го напушта тимот. Во Првата македонска фудбалска лига, Кауан запиша 13 настапи и мина вкупно 918 минути на теренот.
Претходно, Кауан беше дел од естонскиот тим Транс Нарва, од каде што дојде во Брера.
Александар Ванев, Струмица Сити
