Category: Политика

Градоначалникот Костадинов на годишната конференција „Година на нови можности“

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се одржува денеска и утре во хотелот „Александар Палас“ во Скопје.

Конференцијата се одржува со цел констатирање на резултатите од работата на Владата во изминатата година и на предизвиците и перспективите на општествено-политички план, во претстојната година.

„Владата на Република Северна Македонија е отворена и транспарентна за широка дискусија во правењето пресек на мерките и случувањата во 2022 година, но и за планираните насоки и визијата што ја има за оваа година. Денеска ја имам честа да присуствувам на свеченото отворање на дводневната годишна конференција „Година на нови можности“, којашто во организација на Владата се одржува во Скопје. Конференцијата ја отвори претседателот на Владата, Димитар Ковачевски. Оваа Влада знае и може, најголемата светска економска и енергетска криза да ја претвори во нови можности кои ќе обезбедат подобри услови за живот на сите граѓани. Поддршка за Владата којашто во нејзиниот фокус ги има европската иднина на државата и подобрувањето на стандардот на граѓаните“, рече градоначалникот на општина Струмица, Костадин Костадинов.

СДСМ: Успешните економски политики на СДСМ дадоа резултат, рекордни инвестиции од 465 милиони евра

„Владата предводена од СДСМ, со ефикасни и навремени мерки и политики ја одржа економската стабилност на државата и обезбеди предвидлива деловна клима за домашните и за странски инвестиции.

Во 2022 година, во екот на глобална криза реалиризани 465 милиони евра капитални инвестиции, што е реализација на 90 отсто од предвидените капитални инвестиции за минатата година.

Лани во ТИР зоните се вложени над 430 милиони евра и се отворени нови 2.300 работни места, со плати над државниот просек.

Во време на глобална економска криза продолжи трендот на раст на платите и пензиите. Минималната плата е зголемена на 18.000 денари, а просечната плата достигна над 33.000 денари.

Пензиите се покачија во два наврати, а ново зголемување на пензиите следува во март оваа година, согласно новата методолигија.

За успешноста на економските политики на Владата, потврда е и кредитниот рејтинг на Стандард и Пурс и задржувањето на кредитниот рејтинг на ББ- со стабилен изглед.

СДСМ како одговорна партија продолжува со ефикасните и одговорни економски политики, кои даваат резултати, носат економски пресврт и подобар животен стандард за сите граѓани“, се вели во соопштението од СДСМ – Социјалдемократски Сојуз на Македонија.

Шкријељ: Се грижиме за најмладите, инвестираме во подобри услови и нови градинки

Прес-конференција на пратеничката на СДСМ, Санела Шкријељ.

Почитувани граѓани, почитувани новинари,

Владата предводена од СДСМ во континуитет инвестира во детската заштита, како еден од клучните столбови на детскиот развој.

Од 2017 година, па до сега, отворени се 75 градинки низ целата држава, со опфат од околу 5.500 деца.

Важно е да се напомене дека дел од овие градинки се наоѓаат во рурални или во општини каде досега воопшто немало детски градинки.

Само минатата 2022 година, изградени се нови или имало доградба на 10 градинки и тоа во општините Струмица, Гостивар, Берово, Демир Капија, Крива Паланка, Валандово, Сопиште, Ѓорче Петров, Аеродром и Кисела Вода.

Со тоа,само за една година, капацитетите на градинките ги зголемивме за над 1.000 деца од целата држава.

За оваа година планирана е изградба, доградба или адаптација на дополнителни над 20 градинки во државата

Освен во објекти, Владата предводена од СДСМ инвестира и во човечкиот потенцијал.

Како резултат на политиките на Владата предводена од СДСМ, вработените во градинките добија за околу 21% повисока плата.

Со Колективниот договор за вработените во оваа дејност, платата на воспитувачките, негувателките и стручниот кадар во градинките од септември 2022 година, се покачи за 15 отсто.

Тоа значи дека за само пет години, платите во детската заштита се зголемени за 36 отсто, или за повеќе од една третина.

Почитувани,

СДСМ како одговорна, државотворна партија и во време на светска економска и енергетска криза продолжи со вистинска грижа за сите граѓани.

Продолжуваме да инвестираме во се она што е важно за нашите граѓани, за нашето општество.

СДСМ: Откупот на тутунот заврши во рекордно време со цена од 290 денари по килограм

Прес-конференција, Гоце Георгиевски, комисија за земјоделство, шумарство и водостопанство на СДСМ

Почитувани,

Скоро секоја прес-конференција ја започнуваме со потсетување на јавноста дека оваа Влада, предводена од СДСМ и премиерот Димитар Ковачевски води искрена грижа за земјоделскиот сектор и дека СДСМ секогаш ќе биде на страна на земјоделците.

Тоа постојано го докажуваме со резултатите од неуморната посветеност на Владата и ресорното Министерство.

Во година која беше проследена тешка економска криза и војна на европско тло која сеуште трае, пишуваме рекорди. Откупот на тутунот заврши во рекордно време без ниту еден регистриран проблем во откупниот процес, а тутунарите ги поминаа новогодишните и божиќните празници со полни сметки.

Просечната откупна цена на тутунот достигна рекордни 290 денари по килограм, што претставува зголемување од 45% во споредба со минатата година, кога беше 200 денари по килограм.

Кога на оваа откупна цена, ќе се додаде и субвенцијата од 80 денари по килограм која ја доделува Владата, тутунарите ја завршија сезоната со заслужена заработка од 370 по килограм тутун.

Рекордни 80% од вкупно откупената количина припаѓаат во прва класа и тоа во услови на зголемено производство и површина за околу 10% во споредба со минатата реколта. За откупот се склучени приближно 30.000 договори, односно бележиме зголемување од 2000 договори повеќе од минатата година.

За оваа производна година на тутунот, исплатени се околу 100 милиони евра.

Сакаме да им честитаме на производителите на тутун за оваа убава, успешна година за нив и нека овој успех се повторува секоја наредна реколта.

Овие резултати се најсилниот доказ дека оваа Влада, предводена од Социјалдемократскиот сојуз на Македонија води искрена грижа за земјоделците.

Финансиска поддршка за пензионерите со пензии до 14.000 денари, во март ново зголемување на пензиите

Прес-конференција, Санела Шкријељ, пратеничка

Почитувани граѓани, почитувани новинари,

Како одговор на последиците од кризата, Владата предводена од СДСМ презема низа чекори за помош и поддршка на граѓаните.

Во тек е исплатата на паричната помош согласно Законот за финансиска поддршка за ранливи категории на граѓани за справување со енергетската криза.

Започнувајќи од декември во наредните четири месеци парична помош ќе добиваат:

корисниците на правото на социјална сигурност на стари лица, корисниците на посебен додаток, корисниците на правото на надоместок заради попреченост, самохраните родители кои се евидентирани корисници на гарантирана минимална помош.

Финансиска поддршка е предвидена и за пензионерите кои добиваат пензии во висина до 14.000 денари.

Покрај финансиската поддршка, во март следува ново усогласување на пензиите за 330.000 пензионери.

Согласно новата методологија за усогласување на пензиите како збир од растот на трошоците на живот и растот на платите, проценките се дека во март пензиите ќе порасната помеѓу шест и седум отсто.

Тоа ќе значи покачување за над 1.000 денари на просечната пензија која сега изнесува 17.422 денари.

Преку одговорните и ефикасни политики, успеваме за само една од март 2022 до март 2023 година да ги зголемиме пензиите за околу 16 отсто, што никогаш досега се нема случено.

Владата и институциите предводени од СДСМ продолжуваат со грижа за највозрасните наши граѓани, кои треба достоинствено да живеат во своите пензионерски денови.

СДСМ: Со СДСМ оваа година, минималната плата ќе порасне на над 20.000 денари

Соопштение од СДСМ – Социјалдемократски Сојуз на Македонија

СДСМ преку Владата и институциите што ги предводи обезбедува постојан раст на минималната плата.

Во март годинава минималната плата ќе се зголеми и ќе изнесува над 20.000 денари.

Со методологијата донесена минатата година преку дијалог со сите засегнати страни, се обезбедува континуиран раст на минималната плата, како системско решение независно од нечија политичка волја.

Минималната плата лани е покачена на 18.000 денари, што е зголемување за двојно повеќе во однос на времето на ВМРО-ДПМНЕ кога изнесуваше едвај 9.000 денари.

Со мерките и политиките на СДСМ платите растат и во време на криза.

СДСМ: 2023 со рекорден буџет за земјоделство, за поголемо домашно производство

Прес-конференција на СДСМ, Гоце Георгиевски, Комисија за земјоделство, шумарство и водостопанство на СДСМ

Почитувани,

Светската економска криза, покажа колку е важно домашното производство на храна и земјоделски производи.

Владата предводена од СДСМ и надлежното министерство преку навремени и ефикасни мерки му помагаа на македонското земјоделство со цел да го зголеми производството и тоа да биде што поконкурентно на светските пазари.

Претходната, 2022 година ја завршивме со рекордни 140 милиони евра исплатени во земјоделството. Таа грижа, таа поддршка продолжува и во 2023 година со нови 150 милиони евра поддршка.

За оваа 2023 година имаме рекорден износ на земјоделскиот буџет и соодветно на тоа зголемени износи на програмите и мерките за директни плаќања.

Согласно новиот модел на субвенционирање и авансната исплата на субвенциите, за оваа година предвидени се дури седум милијарди денари за субвенции кон вистинските земјоделци.

2023 година ќе биде година на големи можности за земјоделците.

Една од клучните промени за 2023 е Програмата за рурален развој, која прераснува во инвестициска програма со буџет од една милијарда и педесет милиони денари.

Преку оваа програма и во 2023 ќе ги реализираме сите позитивни мерки кои постигнаа одлични резултати и огромен интерес кај земјоделците. Тоа се мерките рурална жена, млад земјоделец, набавка на опрема, системи за наводнување и сл

Истовремено се зголемуваат и средствата од ИПАРД 3 програмата која има за цел модернизација на домашното земјоделство.

Сето ова почитувани е показател за грижат на СДСМ кон земјоделството и земјоделците.

СДСМ: Повик за учество на Зимски камп 2023

Повеќе информации на следниот линк: ТУКА

Зимски камп 2023 е проект на Фондацијата Фридрих Еберт – Скопје кој го
спроведува во соработка со Социјалдемократската Младина на Македонија.
Целта на овој Зимски камп 2023 е да се зајакнат капацитетите на младите
социјалдемократи, да се подигне нивната свест, проактивност за да планираат
и реализираат активности, да понудат решенија кои одговараат на потребите
потребите на младите во конкретната средин а со тоа да донесат позитивни
промени во општеството.

Со право на учество на зимскиот камп се стекнуваат сите членови на локалните
клубови на СДММ кои ќе испратат апликација за младински активности и чија
апликација ќе биде одбрана во првиот круг на селекција.
Фаза 1: Апликација за учество на Зимски камп
Фаза 2: Селекција на апликациите и апликантите за Зимскиот камп
Фаза 3: Зимски камп 2023 – Каде избраните учесници ќе имаат можност
да ја презентират и одбранат својата идеја пред останатите тимови
Фаза 4: Избор на најуспешни апликации
Фаза 5: Локалните клубови со поддршка на Фондацијата Фридрих Еберт –
канцеларија Скопје ќе добијат можност да ги реализираат активностите
кои ги предложиле, во текот на 2023 година.
Тимот кој ја предлага и реализира активноста може да брои од 2-5 членови со
запазена родова еднаквост во самиот тим.
Предложената активност треба да ги исполнува следниве критериуми
– да промовира социјалдемократски вредности
– да има за цел да одговори на потребите на младите во општината
– форматот на активноста може да биде работилница, семинар, кампања
или друг вид на активност

Временската рамка за имплементација на најуспешните апликации е од април –
ноември 2023 година. Тимовите на избраните апликации ќе треба да предложат
временска рамка за реализација (вклучена во самата апликација).
Финансиската поддршка за реализацијата на активностите ќе биде обезбедена
од страна на Фондацијата Фридрих Еберт – Скопје, согласно на предложениот
буџет од страна на апликантите. Сите трошоци ќе бидат исплатени директно кон
давателите на услуги. ФЕС и СДММ го задржуваат правото да побараат измени
во предложениот буџет на избраните апликации.
Трошоци кои се прифатливи и може да бидат поддржани се храна и освежување,
изнајмување просторија и опрема, едукативен материјал (печатен или дигитален)
и др.

Рок за пријавување: 15.02.2023

Апикациите се испраќаат на следните адреси:
contact@fes-skopje.org и
sdmm@sdsm.org.mk

20 клучни успеси на СДСМ во предизвикувачката 2022 година

Соопштение од СДСМ – Социјалдемократски Сојуз на Македонија

СДСМ е силна, државотворна, државничка партија, посветена на реализација на стратешките цели на државата и на граѓаните, која истовремено успешно се справува со предизвиците наметнати од светската економска и енергетска криза и го заштитува стандардот на граѓаните.

И во предизвикувачка година како што беше 2022 година СДСМ оствари низа успеси, од кои се издвојуваат 20 клучни постигнувања.

1) После 17 години чекање започнавме преговорите за членство во Европската унија. На 19 јули се одржа првата меѓувладина седница, со што официјално ги започнавме преговорите со Унијата.

2) Преговорите ги започнавме, со заштитен и потврден македонски идентитет и посебност, како Македонци кои зборуваат македонски јазик. Го потпишавме договорот ФРОНТЕКС, на македонски јазик, без фусноти, без ѕвездички и без додавки, без нејасни формулации. Македонскиот јазик е на исто рамниште со сите јазици на Европската унија.

3) Во годината што изминува исправивме уште една голема историска неправда. Прифатена е автокефалноста на Македонската православна црква – охридска архиепископија. МПЦ-ОА се врати во канонско единство со другите православни цркви, со што се затвори уште едно повеќедецинско отворено прашање и истовремено се заокружува македонската самобитност и независност.

Во фокусот на СДСМ се граѓаните. Континуирано се спроведуваат мерки што значат повеќе пари во семејните буџети, подобар животен стандард на сите граѓани.

5) Низ инклузивен пристап со дијалог со сите засегнати страни ја покачивме минималната плата на 18.000 денари, што е зголемување за двојно повеќе во однос на времето на ВМРО-ДПМНЕ кога едвај достигнуваше 9.000 денари. Со новата методологија, минималната плата од март ќе биде 20.000 денари.

6) Пензиите на околу 330.000 пензионери во државата за само неколку месеци се покачија за 10 отсто. Во текот на 12 месеци, односно од март оваа година до март идната години, пензионерите ќе добијат 16 проценти покачување на пензиите. Покрај покачувањето на пензиите, усвоена е методологија за усогласување на пензиите со растот на просечната плата и растот на трошоците за живот, со што пензиите постојано ќе растат, независно од волјата на која било политичка структруа, а пензионерите никогаш повеќе нема да бидат уценувани.

7) Просечната плата во државата во изминатите 5 години континуирано расте и го надмина ветувањето дадено од СДСМ за просечна плата над 500 евра. Просечната плата уште сега е 33.104 денари, 1,5 година пред завршувањето на мандатот, многу порано од ветеното.

8) И во оваа кризна година, растат платите во сите сектори. Вкупно 37.000 лица од образованието добија раст на платите за 15 проценти, 12.000 вработени во МВР, раст на платите од 5 проценти, 3.500 вработени во културата раст на платите од 30 проценти, 2.600 вработени во судството раст на платите 15 проценти, 20.000 вработени во здравството, раст на платите од 5 проценти и претходно 25 отсто во време на ковид кризата, 4.000 вработени од високо образование имаат плати поголеми за 7 проценти, а претходно им беа покачени за 8 отсто.

9) Паралелно со растот на платите, минималната и просечната, постојано се намалува стапката на невработеност. Сега таа е на ново историски ниско ниво од 14.3% проценти.

Во тешко и неизвесно време на глобална економска и енергетска криза, најголема по втората светска војна и војна на европскиот континент, безбедноста на државата е гарантирана со членството во НАТО. Владата предводена од СДСМ не остави никој сам да се справува со предизвиците.

10) Оваа година се реализирани два пакети антикризни мерки во вкупна вредност од 760 милиони евра, насочени кон широка поддршка на граѓаните и компаниите.

11) Околу 80 отсто од сметките за електрична енергија за домаќинствата и за 72.000 мали компании се субвенционирани од државата. Секое семејство во држвата оваа година доби по 21.000 денари субвенција за електрична енергија.

12) Поевтина електрична енергија е обезбедена за образовните и здравствените институции, за јавните претпријатија од областа на водостопанството, како и за компаниите што произведуваат прехранбени производи, што ги намалува цените на прехранбените производи.

13) Обезбедена е финансиска помош од 200.000 граѓани од ранливите категории, меѓу кои за пензионерите со најниски пензии, корисниците на правото на социјална сигурност, корисниците на посебен додаток и самохраните родители кои добиваат гарантирана минимална помош.

14) Во мандатот на оваа влада од 10 месеци во државата се инсталирани 141 мегават обновливи извори на енергија, веќе ставени во употреба. Ја остваруваме енергетската трансформација на државата.

15) Кога Град Скопје ги остави Скопјани на цедило, Владата предводена од СДСМ, го реши проблемот со парно греење за Скопје, не дозволи радијаторите да останат студени.

16) Инвестициите во домашната економија од реномираните странски компании се зголемија, и за само 10 месеци се отворија нови, подобро платени, над 2000 работни места, во ТИРЗ.

17) Инвестициите во инфраструктурата годинава интензивно продолжија. Конечно вистински започнаа работите на патното и железничкото поврзување со Бугарија, се заокружува прцесот на гасификација на државата.

Реконструкцијата на магистралните патишта се интензивира, како што не застана и поддршката за изградба на локалните патишта. Пуштена е во употреба делницата Крупиште – Кочани, дел од експресниот пат Штип-Кочани.

18) За земјоделството се наменети 9 милијарди денари, што е досега рекорден буџет во земјоделството, со кој се започнува со импелементација на најголемата земјоделска реформа во државата. Се обезбедува предвремена исплата на 30 отсто од субвенциите во тековната година, дополнителна субвенција за значајни култури, голема, побрза поддршка за сточарите, продолжува поддршката за секој земјоделец, преку интервентната програма.

19) Оваа година е година е постигната досега рекордна цена за откупен тутун. Просечната откупна цена за килограм тутун од годинешнава реколта изнесува 285 денари и е за 40 отсто повисока во однос на минатогодишната.

20) Само оваа година изградивме 10 нови градинки, од 2017 го деенска изградени се вкупно 72 градинки со капацитет од 5.000 дечиња.

Костадинов: СДСМ покажува дека е државотоврна партија, во 2022 година ги започнавме преговорите со ЕУ, ги покачивме платите и пензиите

2022-рата година ја оценува предизвикувачка, година во која мерките и политиките на Владата дадоа резултат, особено во време на економска и енергетска криза, кажа потпретседателот на СДСМ, Перо Костадинов во гостувањето во Телевизија 24.

Во изминатава 2022 година СДСМ повторно покажа дека е државотворна партија која се грижи за граѓаните и државата, порача потпретседателот на СДСМ, Перо Костадинов, во гостување во емисијата „Студио 10“ на Телевизија 24

Костадинов истакна дека СДСМ преку државнички и одговорен пристап обезбеди почеток на преговорите и дека тие преговори се одвиваат на официјален македонски јазик без фусноти и без додавки, со што пропаднаа во вода сите лаги на ВМРО-ДПМНЕ за наводна асимилација и бугаризација.

„2022 беше предизвикувачка година, година на економска и енергетска криза, но мерките и политиките на Владата предводена од СДСМ дадоа резултат. Ја зголемивме минималната палта, пензиите, но и платите во многу сектори, како што е образованието и детската заштита, порача Костадинов, додавајќи дека наредната година продолжува реализацијата на врвната стратешка цел – членство во ЕУ.

Осврнувајќи на се на евентуални предвремени избори, Костадинов оцени дека изборите ќе бидат во редовниот термин во 2024 година.