Category: Македонија

Во тек е исплатата на правата од социјална и детска заштита

May. 04 Македонија, Струмица Comments Off on Во тек е исплатата на правата од социјална и детска заштита
Сподели

Во тек е исплатата на правата од социјална и детска заштита.

Министерството за труд и социјална политика информира дека денеска започна исплатата на правата од социјална, детска и цивилна заштита за месец април 2023 година.

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 4 мај 2023 година.

Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

04.05.2023 – А, Б, В, Г, Д, Ѓ, Е, Ж, З, Ѕ, И, Ј, К, Л, Љ

05.05.2023 – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш

Поскапува бензинот, дизелот со иста цена

Apr. 18 Македонија, Струмица Comments Off on Поскапува бензинот, дизелот со иста цена
Сподели

Регулаторната комисија за енергетика и водни услуги (РКЕ) денес донесе Одлука со која од полноќ се зголемува цената на ЕУРОСУПЕР БС-95 за 0,5 денари по литар, додека пак ЕУСУПЕР БС-98, како и цената на ЕУРОДИЗЕЛ (Д-Е V) останува иста.

За половина денар поевтинува Екстра лесното масло за домаќинство (ЕЛ-1), а пак цената на Мазутот М-1 НС се зголемува за 0,330 денари.

Цени од 19.04.2023 00:01 часот:

  • Моторен бензин – ЕУРОСУПЕР БС – 95 – 85,00 (денари/литар)
  • Моторен бензин – ЕУРОСУПЕР БС – 98 – 87,00 (денари/литар)
  • Дизел гориво – ЕУРОДИЗЕЛ БС (Д-Е V) – 74,00 (денари/литар)
  • Масло за горење – Екстра лесно 1 (ЕЛ-1) – 72,50 (денари/литар)
  • Мазут М-1 НС – 41,409 (денари/килограм)

14 април (петок), Велики петок, петок пред Велигден, неработен ден за граѓаните од православна вероисповед

Apr. 13 Македонија, Струмица Comments Off on 14 април (петок), Велики петок, петок пред Велигден, неработен ден за граѓаните од православна вероисповед
Сподели

14 април (петок), Велики петок, петок пред Велигден, неработен ден за граѓаните од православна вероисповед.

17 април (понеделник) 2023 година, Велигден, вториот ден на Велигден според православниот календар, е неработен ден за сите граѓани на Република Северна Македонија

Apr. 13 Македонија, Струмица Comments Off on 17 април (понеделник) 2023 година, Велигден, вториот ден на Велигден според православниот календар, е неработен ден за сите граѓани на Република Северна Македонија
Сподели

Министерството за труд и социјална политика соопштува дека согласно со Законот за празниците на РМ („Службен весник на РМ“ бр.21/98 и 18/07), 14 април (петок) 2023 година, Велики Петок, петок пред Велигден, е неработен ден за граѓаните од православна вероисповед во Република Северна Македонија.  

17 април (понеделник) 2023 година, Велигден, вториот ден на Велигден според православниот календар, е неработен ден за сите граѓани на Република Северна Македонија.

Министерството за труд и социјална политика, на граѓаните од православна вероисповед во Република Северна Македонија им го честита големиот христијански празник Велигден. 

Од полноќ големо поскапување на горивата

Apr. 10 Македонија, Струмица 1 comment
Сподели

Регулаторната комисија за енергетика и водни услуги (РКЕ) донесе Одлука со која од полноќ цените на бензинот ЕУРОСУПЕР БС-95 и на Екстра лесното масло за домаќинство (ЕЛ-1) се зголемуваат за 1,5 денари за литар, додека цените на бензинот ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за два денари за литар.

Со одлуката на РКЕ за 0,505 денари за килограм се зголемува и малопродажната цена на Мазутот М-1 НС.

ЦЕНИ ОД 11.04.2023 00:01 ЧАСОТ:

  • Моторен бензин – ЕУРОСУПЕР БС – 95 – 84,50 (денари/литар)
  • Моторен бензин – ЕУРОСУПЕР БС – 98 – 87,00 (денари/литар)
  • Дизел гориво – ЕУРОДИЗЕЛ БС (Д-Е V) – 74,00 (денари/литар)
  • Масло за горење – Екстра лесно 1 (ЕЛ-1) – 73,00 (денари/литар)
  • Мазут М-1 НС – 41,079 (денари/килограм)

Тасевска: Ги намалуваме цените на 11 производи од зеленчук и овошје за помали трошоци на граѓаните

Apr. 03 Македонија, Политика, Струмица Comments Off on Тасевска: Ги намалуваме цените на 11 производи од зеленчук и овошје за помали трошоци на граѓаните
Сподели

Прес-конференција,​ Лидија​ Тасевска, пратеничка на СДСМ

Почитувани граѓани,

Владата предводена од СДСМ и премиерот Димитар Ковачевски продолжува со грижата за граѓаните и нивниот животен стандард.

По намалувањето и замрзнувањето на цените на основните прехранбени продукти, како лебот, млекото и млечните производи, јајцата, тестенините и оризот, ​ од петти април се замрзнува цената на 11 дополнителни производи.

Владата утврди највисока продажна цена од 70 денари за килограм свеж домат, 75 денари за килограм свежа краставица, 90 денари за килограм зелени пиперки, 75 денари за килограм грав, 55 денари за килограм лимони и портокали и 70 денари највисока цена за килограм банани.

Покрај тоа се намалуваат и цените на леќата, на кромидот, на карфиолот и на мандарините.

Со оваа одлука овие утврдени највисоки цени ќе бидат со важност до крајот на месец април, а со почетокот на месец мај и со почетокот на пласманот и на домашните производи, значително ќе се зголеми конкуренцијата на увозните производи и очекувано е цената дополнително да се намали.

Важно е да се напомене дека со оваа одлука одредени земјоделски производи, како пиперката, гравот и доматот, ќе поевтинат и за повеќе од двојно во споредба со најзастапената цена во малопродажба на 21 март оваа година.

Ова почитувани е уште еден одлучен чекор кон заштита на стандардот на граѓаните, но и за забавување на растот на инфлацијата во државата.

Ние како одговорна партија ќе продолжиме со реализација на мерки и политики што се во интерес на граѓаните.

Апелираме сите производители, увозници и маркети да ја почитуваат оваа одлука на Владата.

Во време на светска економска криза, никого не оставаме сам, но и не дозволуваме некој да профитира врз грбот на граѓаните.

Владата на денешната седница ги замрзна цените на 11 земјоделски продукти

Apr. 03 Македонија, Политика, Струмица Comments Off on Владата на денешната седница ги замрзна цените на 11 земјоделски продукти
Сподели
ФОТО: Влада на Република Северна Македонија | АРХИВА

Владата на Република Северна Македонија донесе Одлука за определување највисоки цени за одделни производи во трговијата на мало.

Со одлуката се определуваат највисоките цени во трговијата на мало нa повеќе производи и тоа: свежи домати, свежи краставици, кромид, карфиол, свежи зелени пиперки, грав, леќа, банани, портокали, мандарини и лимони.

Највисоките цени на овие производи, во трговијата на мало, се утврдуваат во висина: до 70 денари за килограм свежи домати, до 75 денари за килограм свежи краставици, до 60 денари за килограм кромид, до 70 денари за килограм карфиол, до 90 денари за килограм свежи зелени пиперки, до 75 денари за килограм грав, до 110 денари за килограм леќа, до 70 денари за килограм банани, до 55 денари за килограм портокали, до 60 денари за килограм мандарини и до 55 денари за килограм лимони.

Највисоките цени на производите посочени во оваа Одлука, во трговијата на мало, ќе се применуваат и на зелените пазари и тоа од 5 април 2023 година до 30 април 2023 година, а Одлуката влегува во сила со денот на објавувањето во „Службен весник на Република Северна Македонија“.

Во образложението на предлагачот на Одлуката, Министерството за економија, е посочено дека според членот 29 став 1 алинеја 3 од Законот за трговија, Владата може привремено да го ограничи вршењето на трговијата, во случај нарушување на домашниот пазар, заради злоупотреба во прометот на одделни производи и стоки. Согласно наведеното, врз основа на членот 30 став 1 алинеја 2 од Законот за трговија, Владата може да ги определи највисоките цени за одделни производи и услуги во производството и прометот.

Бензините поскапуваат, дизелот поевтинува

Apr. 03 Македонија, Струмица Comments Off on Бензините поскапуваат, дизелот поевтинува
Сподели

Регулаторната комисија за енергетика и водни услуги (РКЕ) денес донесе Одлука со која од полноќ цената на ЕУРОСУПЕР БС-95 се зголемува за 1,00 ден/лит, а пак цената на ЕУРОСУПЕР БС-98 се зголемува за 0,50 ден/лит.

Цената на ЕУРОДИЗЕЛ (Д-Е V) се намалува за 1,00 ден/лит, цената на Екстра лесното масло за домаќинство ќе се намализ а 0,50 ден/лит, додека пак цената на мазутот ќе се зголеми за 0,652 ден/кг.

  • Моторен бензин – ЕУРОСУПЕР БС – 95 – 83,00 (денари/литар)
  • Моторен бензин – ЕУРОСУПЕР БС – 98 – 85,00 (денари/литар)
  • Дизел гориво – ЕУРОДИЗЕЛ БС (Д-Е V) – 72,00 (денари/литар)
  • Масло за горење – Екстра лесно 1 (ЕЛ-1) – 71,50 (денари/литар)
  • Мазут М-1 НС – 39,391 (денари/килограм)

СДСМ: Замрзнувањето на цените го штити стандардот на граѓаните

Apr. 03 Македонија, Политика, Струмица Comments Off on СДСМ: Замрзнувањето на цените го штити стандардот на граѓаните
Сподели

„СДСМ преку конкретни мерки и политики го штити и унапредува животниот стандард на граѓаните, во време на светска економска криза.

Се проширува листата на производи со замрзнати цени, на одредени видови овошје и зеленчук.

Нови пониски цени се очекуваат за кромидот, доматите, краставиците, пиперките, карфиолот, бананите, портокалите, мандарините, лимоните, како и на гравот и леќата.

Веќе се нови мерки за замрзнување на цените на хигиенските производи, со кои цената на тоалетната хартија, влажните марамчиња, пелените и влошките се намалува за 13 отсто.

Претходно цената на белиот и полубелиот леб од 450 грама беше замрзната на 33 денари.

Млекото и млечните производи се поевтини за 10, а тестенините за 15 проценти.

Максималните цени на јајцата и оризот се утврдени на цената од 15 март оваа година.

СДСМ продолжува со грижата за сите граѓани, со реализација на мерки кои, го штитат стандардот на граѓаните“, се вели во соопштението на владеачката СДСМ.

Бензините поскапуваат, дизелот поевтин

Mar. 27 Македонија, Струмица Comments Off on Бензините поскапуваат, дизелот поевтин
Сподели

Регулаторната комисија за енергетика и водни услуги донесе Одлука со која од полноќ ЕУРОДИЗЕЛ (Д-Е V) се намалува за еден денар за литар, а на Екстра лесното масло за домаќинство (ЕЛ-1) за 1,5 денари за литар, додека цената на бензинот ЕУРОСУПЕР БС-95 се зголемува за еден, а на ЕУРОСУПЕР БС-98 за 1,5 денари за литар. Цената на мазутот се зголемува за 0,550 денари за килограм.

Цени од 28.03.2023 година од 00:01 часот:

  • Моторен бензин – ЕУРОСУПЕР БС – 95 – 82,00 (денари/литар)
  • Моторен бензин – ЕУРОСУПЕР БС – 98 – 84,50 (денари/литар)
  • Дизел гориво – ЕУРОДИЗЕЛ БС (Д-Е V) – 73,00 (денари/литар)
  • Масло за горење – Екстра лесно 1 (ЕЛ-1) – 72,00 (денари/литар)
  • Мазут М-1 НС – 37,628 (денари/килограм)