Роза Мојсовска синоќа пред струмичани ја престави својата нова книга „Ме кани светлината’’. 
Промоцијата во рамките на Струмица опен фестивал се одржа во Малиот градски парк. „Ме кани светлината’’ е петта книга на Мојсовска и се состои од 75 песни.

„Моите песни се инспирирани од верата и Исус Христос. Бог ме кани на светлината и ми дава сила. Секој човек го кани светлината, никогаш да не бидеме во темнина’’ – вели авторката.

Покрај промоцијата, ова беше прилика Роза да ги престави и своите уметнички дела вечерва. Посетителите можеа да ги погледнат и нејзините слики насликани на несекојдневен начин – со уста.