Екипата на Беласица утре во рамки на 14. коло од Втората лига ќе гостува во Велес, каде ќе се соочи против претпоследниот Борец.

Натпревар во кој и двете екипи сакаат три бодови, а Борец има сериозен притисок за да победи и да ги освои трите бодови, бидејќи со пораз ќе биде во многу комплицирана борба за опстанок, а тоа треба да биде јасен сигнал за внимателност на Беласица на оваа за нив незгодно гостување.

Беласица со победа во Велес може да се искачи до осмото место на табелата, но секако ќе зависи од резултатите на останатите екипи. Младата екипа на Беласица покажува одлични игри и игра одличен фудбал, од тој аспект може да биде во предност во однос на Борец, кој е со катастрофална игра и со само шест погодоци на 13 натпревари, што е најмал број на постигнати погодоци, но како предност за Борец ќе биде домашниот терен.

Натпреварот ќе стартува во 13 часот, а задолжен за правдата во Велес ќе биде Христијан Божиновски од Скопје.

Александар Ванев, Струмица Сити