Утре на програмата ќе бидат натпреварите од 11. коло од Втора лига, а дерби ќе се игра во Струмица каде ќе се соочат Беласица и Кожуф од Гевгелија.

Овој напревар ќе направи промени на табелата и тоа може значителни промени. Беласица е на делба на седмото место со 15 бодови, а Кожуф е шести со 16 бодови. Доколку Беласица запише победа ќе има 18 бодови што значи скок до шестто место, но значително приближување кон горниот дел од табелата. Триумф за Кожуф ќе значи 19 бодови и односно шестто место, но ќе држи чекор за третото место.

Беласица има млада екипа која влезе во победнички ритам и веќе носи резултати. Повеќе околу анализата за екипата на Беласица, можете да прочитате на Спортска Мрежа, бидејќи Беласица промовира млади играчи кои веќе се носат со предизвиците во Втора лига.

Натпреварот во Струмица ќе започне во 13 часот, а главен судија ќе биде Владимир Ѓорѓиевски od Битола.

Александар Ванев, Струмица Сити