Во рамки на 3. коло од Третата македонска фудбалска лига – Исток екипата на Хоризонт Турново ремизираше играјќи 1:1 на гостување кај Карбинци.

По мирните мрежи во првиот дел, во второто полувреме Велинов постигна гол за 1:0 и водство на домашниот тим во 63. минута, а гостинот преку Черкезов во 75. минута дојде до конечните 1:1.

Во следното коло некогашниот прволигаш Хоризонт Турново на домашен терен ќе игра дерби на колото против Слога од Виница, која во минатото беше дел од Втората лига.