Второлигашот Беласица денес во рамки на 6. коло од Втората лига ќе гостува кај екипата на Новаци. Беласица и во шестиот сезонски натпревар ќе ја бара првата сезонска победа, откако досега на петте одиграни натпревари има четири ремија и еден пораз, додека пак Новаци е во подобра форма и резултатски е многу подобар се наоѓа на седмото место со девет бодови на своето конто.

За Беласица трите бодови се важни со цел да може да направи прогрес на табелата и да биде во горниот дел од табелата, а од друга страна Новаци како и во минатата сезона така и во оваа сезона на домашен терен е незгоден противник и повеќе од јасно е дека денес ќе ја има улогата на благ фаворит.

Мечот меѓу Новаци и Беласица се игра денес од 14 часот.