ФОТО: Александар Ванев, забрането превземање на фотографијата без претходна добиена согласност од авторот на фотографијата!

Башкими на домашен терен ја пречека струмичка Беласица, во меч каде домашниот тим беше фаворит, а исходот беше реми (1:1) и поделба на бодовите. Демири уште во 9. минута погоди за 1:0 и водство на Башкими, а во 33. минута најдобриот стрелец на Беласица погоди за конечни 1:1. Но, по мечот Башкими излезе со соопштение преку кое се жали на судиската арбитража, а во официјалниот записникот за мечот во делот за примедби на делегатот е наведено следново:

„Натпреварот одигран според правила и прописи на ФФМ. Следуваат дополнителни извештаj од службените лица делегирани за натпреварот“, како што објави Спортска Мрежа.

Во следното коло Беласица ќе гостува кај екипата на Новаци, веќе в сабота во рамки на 6. коло од Втората лига.