Брера Струмица во младинската Лига на шампион ќе дебитира против младинскиот состав на Сараево од Босна и Херцеговина, ова беше исходот од ждрепката во Нион, која посака струмичкиот тим да игра против тимот од БиХ.

Составот на Брера Струмица се падна во групата три каде за противници можеше да ги добие младинските шампиони на Казахстан, Молдавија, Ерменија, Белорусија и Грузија, но ждрепката го даде Сараево за противник.

Првиот меч струмичани го играат на домашен терен на 18. септември, а реваншот е закажан на 2. октомври во Босна и Херцеговина. Доколку младите на Брера Струмица го поминат првото коло, тогаш во втората рунда силите ќе ги одмерат со израелскиот состав на Макаби Петах.

Александар Ванев, Струмица Сити