Вечерва започнаа осминафиналните натпревари од Меморијалниот турнир во мал фудбал „Благој Истатов 2024“ во Струмица.

Во првиот меч Еко Инжинеринг со 10:5 го декласираше тимот на Хотел Истатов за убедлива победа и обезбедена следна фаза. Стефан Богдановски постигна хет-трик, двојни стрелци беа Андреј Јаневски и Наум Блажевски, а еден гол постигна Михајло Митев.

Вториот меч беше далеку понеизвесен за публиката, откако Фасада Чајник од Битола со 3:2 славеше над Еуромонта од Струмица.

Давид Крстевски беше двоен стрелец, а еден гол беше делот на Кристијан Симиќ. За екипата на Еуромонта Кристијан Гавровски и Мите Митров беа стрелци на погодоците.

Утре во 21:30 часот Фенербахче ќе се соочи со екипата на Еклектик, а од 22:30 часот Фреит Оне против Црна Река. Претходно два натпревари ќе се одигра во јуниорска конкуренција, Хотел Горан Пандев против Ривали, а потоа Хотел Горан Пандев против Тигри.

Спортска Мрежа е медиумски покровител на овој спортски настан.

Александар Ванев, Спортска Мрежа