Струмица ќе биде домаќи на баражот за Првата македонска фудбалска лига, кој ќе се одигра на стадионот „Благој Истатов“ во Струмица, а кој ќе го одиграат прволигаш Вардар кој се бори да остане во елитата, како и Детонит Плачковица кој е второлигаш и кој има историска шанса да обезбеди учество во Првата македонска фудбалска лига.

Натпреварот ќе се одигра на стадионот „Благој Истатов“ во Струмица, во недела од 17 часот, а со тоа струмичани ќе имаат можност да проследат квалитетен меч кој ќе биде во фокусот на македонската спортска јавност.

Дополнително, се очекува инвазија на Струмица и стадионот „Благој Истатов“ од верните „Комити“, но и пристигање на радовишани.

Струмица со одличната спортска инфраструктура одново се покажува како одличен избор за вакви спортски настани од големо значење.

Александар Ванев, Струмица Сити