Денес на стадионот „Кукуш“ во Турново ќе се соочат Брера Струмица и Воска Спорт, во меч од 27. коло од Првата македонска фудбалска лига, меч од капитална важност и за двете екипи во тешката и неизвесна борба за опстанок во фудбалската елита на Македонија.

Двете екипи се без право на грешка на денешното соочување, а токму тоа може да понуди и доста интересен натпревар, но и возбудлив особено за гледачите кои денес ќе бидат на „Кукуш“ во Турново, како и оние пред ТВ-екраните.

Двете екипи не се обезбедени со опстанокот. Брера Струмица е седма со 30 бодови на своето конто, а пак Воска Спорт е во бараж зоната односно на 10-тото место со 28 бодови. Само два бодови е разликата, и тоа е уште една причина на „Кукуш“ да има доста неизввесен натпревар.

Главен судија на мечот ќе биде штипјанецот Димитар Пилешков, а мечот ќе стартува во 15 часот.

Александар Ванев, Струмица Сити