Брера Струмица на гостување во Кавадарци во рамки на 26. коло од Првата фудбалска лига на Македонија, загуби од Тиквеш со резултат од 3:1.

Домашниот тим во 19. минута дојде до 1:0 со голот на Малески, а потоа гостинската екипа од Струмица преку Ристевски израмни на 1:1 во 32. минута. Шест минути подоцна Сантос го врати водството на 2:1, а во 68. минута Спахиу ги постави конечните 3:1.

Брера останува на седмото место на табелата со 30 бодови на своето конто, а пак Тиквеш е на 5. место со 36 бодови.

Во следното коло Брера Струмица на домашен терен ќе игра против Воска Спорт од Охрид.

Александар Ванев, Струмица Сити