Вчера, во Струмица, полициски службеници од Секторот за внатрешни работи Струмица ги лишиле од слобода С. Р. (21) од Радовиш и Т. Ј. (18) од Штип. Кај нив биле пронајдени предмети што потекнуваат од кривични дела тешка кражба и кражба извршени во септември од лица од Струмичко, извести МВР.

„Лицата биле задржани во Полициската станица Струмица и за настанот бил запознаен јавен обвинител од Основното јавно обвинителство Струмица“, соопшти МВР.

По целосно документирање на случајот, против нив ќе бидат поднесени соодветни пријави.