Научниците веруваат дека дозволувањето на бучавата во позадина до одреден степен може да биде добар начин за управување со вашите емоции, но може да биде и контрапродуктивно.

Доколку сакате да слушате музика додека правите различни активности, научниците тврдат дека има објаснување зошто го правите тоа.

Тие објаснуваат дека потребата за дополнителен звук, како музика или звуци од телевизорот, може да укаже на проблем со менталното здравје, наместо да го одвлекува вниманието како што вообичаено мислат луѓето.

„Позадинскиот шум може да се користи во обид да се одвлече вниманието или да се избегнат непријатните емоции и мисли“, вели психологот Џена Карл.

Сепак, научниците веруваат дека дозволувањето на бучавата во позадината до одреден степен може да биде добар начин за управување со вашите емоции. На пример, ако се чувствувате преморени или депресивни на работа, или едноставно ви доаѓа да плачете, можеби ќе ви треба нешто што ќе ви го одвлече вниманието, пренесува Vijesti.me.

Сепак, тука може да настане проблемот, бидејќи не се препорачува целосно или засекогаш да ги избегнувате емоциите. Треба да најдете време да се вратите на вашите мисли за да ги процените и почувствувате емоциите што ве вознемируваат.

За жал, избегнувањето на вашите емоции може да ја влоши вашата состојба. Ако сметате дека секогаш се одвлекувате од или избегнувате непријатни мисли, ова може да ја зголеми вознемиреноста зад тие мисли.

Репродукцијата на бучава во позадина, без разлика дали е песна или телевизиско шоу, може да звучи како добра опција кога сте сами и всушност може да ви помогне понекогаш, но ако забележите дека нагонот доаѓа од желбата да избегате од вашите емоции и мисли, можеби е време да се воведат други вештини за справување, како што е одење на терапија.