Кошаркарите на Струмица пролетниот дел од Првата кошаркарска лига го отворија со пораз, откако на гостувањето во Кавадарци беа поразени со 89:72 од екипата на Еуро Никел, која беше фаворит за целиот „плен“.

Првата четвртина беше најдобра за домашниот тим која заврши со 28:20 за домашниот тим, а во втората четвртина Струмица пружете поголем отпор, но сепак истата припадна повторно за домаќините со 21:17.

Слична игра имаше и во третата четвртина која заврши со 21:17 за Еуро Никел, додека пак во последната четвртина резултатот беше 20:18 за конечни 89:72.

Еуро Никел дојде со седмиот сезонски триумф и со 19 бодови ја дели четвртата позиција, додека пак Струмица го впиша својот десетти сезонски пораз и со 14 бодови е на дното од табелата.

Во следното коло Струмица на домашен терен против Кожуф ќе брка трет сезонски триумф и со тоа да се обиде да побегне од последното место на табелата.