За да стекнете форма и да ги зајакнете коските и мускулите, покрај редовната физичка активност важна е и исхраната. Одредена храна може да биде особено корисна за вас во овој процес.

Иако и калциумот и витаминот Д може да се земаат во суплементи, сепак најдобро е да ги внесувате преку природна исхрана. Кога станува збор за зајакнување на коските, ова се намирниците што треба почесто да ги јадете:

Јогурт – збогатен е со витамин Д и калциум, за кој е познато дека штити од остеопороза.
Млеко – Основната храна во исхраната на децата, која многу возрасни забораваат да ја испијат. Чаша обезмастено млеко содржи 30 проценти од препорачаната дневна доза на калциум. Купете млеко збогатено со витамин Д и ќе добиете уште повеќе придобивки.
Лосос и туна – Не само што се добри за срцето, туку и за коските. Тие исто така содржат големи количини на витамин Д.
Спанаќ – Освен магнезиум и витамин Д, содржи и витамин К, кој спречува скршеници и ја зголемува густината на коските.
Сок од портокал – Истражувањето спроведено во Америка покажало дека овој сок ги штити коските како и млекото. Исто така е одличен извор на витамин Ц.
Вежбањето во теретана е идеално за градење мускули и издржливост, но ако не се храните добро, трудот нема да се исплати. Исто како што на вашите коски им треба витамин Д и калциум, на вашите мускули им требаат протеини за да останат силни и здрави.

Најдобрите извори на протеини се:

Посно месо, односно месо кое содржи мала количина маснотии. Ова вклучува пилешко и црвено месо.
Риба – Лососот е одличен извор на посни протеини.
Грчки јогурт – чаша грчки јогурт содржи приближно 24 грама протеини. Јадете го со свежо овошје или јаткасти плодови за да го подобрите вкусот.
Јајца – Иако можете да го намалите внесот на калории ако ги јадете само белките, жолчката сепак е поздрава бидејќи содржи калциум и протеини.
Путер од кикирики – Одличен е кога сакате здрава ужина и немате време да подготвите поголем оброк. Можете да го намачкате на јаболко.