Често се дискутира за привлечноста, особено кога станува збор за личноста која ни се допаѓа. Но, понекогаш е тешко да се одреди што точно не привлекува кон некого. Тоа може да биде смисла за хумор, самодоверба или едноставно изглед. Научниците од Универзитетот во Ливерпул открија дека мажите со лузни на лицето им се попривлечни на жените, а зошто е тоа во продолжение дознајте.

Лузна на лицето како знак на сила и храброст

Во минатото, лузните се сметаа за непривлечни во западните култури, додека во другите култури се сметаа за мерка за зрелост и сила. Сепак, научниците од Универзитетот во Ливерпул открија дека многу жени сè уште сметаат дека лузните кај мажите се привлечни и можат да ги поврзат со здравје и храброст. Всушност, претпоставката дека лузните се знак на храброст е став што го споделува племето Јаномами во Бразил и Венецуела. Имено, членовите на племето користат бои за лице за да ги истакнат лузните кои се резултат на ритуални борби.

Лузните се привлечни за жените за краткотрајни врски

Научниците проучувале како лузните можат да влијаат на изборот на партнери за мажи и жени кои бараат долгорочни и краткорочни врски. Тие откриле дека жените претпочитаат мажи со лузни на лицето за краткотрајни врски, а подеднакво ги ценат лицата со и без лузни за долготрајни врски. Меѓутоа, мажите ги сметаа жените со и без лузни на лицето подеднакво привлечни за двата типа на врски.

Лоши момци во филмови и серии

Да не заборавиме на влијанието на филмовите и сериите врз нашата перцепција за привлечноста. Телевизијата секако ја направи сликата на лошото момче многу романтична и привлечна, а тие редовно се со лузни. На пример, Тони Монтана во филмот Scarface, кој го игра Ал Пачино. Да не зборуваме за емисии како Викинзи, каде пичове со голи гради и лузни станаа хит, и слична ситуација со Game of Thrones.