Утре во рамки на 21. коло од Втората кошаркарска лига кошаркарите на КК Струмица ќе гостуваат кај ГКК Охрид во меч кој е од голема резултатска важност за охриѓани кои атакуваат на влез во плеј-офот.

Натпреварот ќе се одигра во Спортската сала „Билјанини Извори“ со почеток од 16:00 часот, а очекувањата се ГКК Охрид да има силна поддршка од домашната публика.

Во однос на табелата пред почетокот на овој натпревар екипата на Струмица е на седмата позиција со 28 бодови, а пак ГКК Охрид има 27 бодови и се наоѓа на деветото место на табелата.

Инаку во плеј-офот влегуваат првите осум екипи, што значи дека КК Струмица ќе се натпреварува во плеј-оф разигрувањето и ќе води борба за промоција во Првата кошаркарска лига.

Судиска тројка ќе бидат Панов Т., Мицкоски Д. и Јакимовски Н., а пак за делегат е делегиран Костовски А.