Градоначалникот на општина Струмица, Костадин костадинов денес во својот кабинет имаше средба со претставници на пензионери, како што вели градоначалникот испочитуван е договорот за средба секој последен вторник од месецот.

„Младост и амбициозност и завршен работен век, каков прекрасен спој за муабет и дружење, денеска, во мојот кабинет. Ми беше чест што бев домаќин на претставниците на нашите пензионери и што го испочитувавме договорот за средба секој последен вторник од месецот. Пензионерите се наши драги сограѓани кои во својот работен век создавале за нашата Струмица и заслужуваат убав и долг пензионерски живот. Разговаравме на повеќе теми, ама и си го споделивме задоволството за исплатата на мартовските пензии и покачувањето од 1.000 денари која започна денеска. Бидете ми живи и здрави, се гледаме последниот вторник во април“, рече Костадинов.