Струмичка Беласица утре гостува на жешкиот терен во Прилеп каде ќе ја одигра директната дерби пресметка со конкурентот Победа во рамки на 18. коло од Втора лига – Исток.

Овој натпревар може да се покажа и како клучен за освојување на врвот од табелата и со тоа директен пласман во Првата лига. Очекувањата се дека утре Градскиот стадион „Гоце Делчев“ во Прилеп ќе „крца“ до последно место, а тоа за Беласица ќе значи и „пеколно“ гостување каде ќе мора да игра под силен притисок на домашната публика.

Натпреварот ќе започне во 18:00 часот, а главен судија на мечот ќе биде Игор Стојчевски од Скопје.