Кандидатот за градоначалник на општина Струмица од редовите на СДСМ, Костадин Костадинов повика на почитување на правото на глас и слободно изразување на волјата на гласачите на локалните избори кој ќе се одржат следниот месец.

„Изборните процеси во кои се почитуваат основните човекови права и слободи се основата на долгорочниот демократски развој во нашето општество. Недвосмислено сакам да повикам на почитување на правото на глас и слободно изразување на волјата на гласачите на локалните избори во 2021 година. Верувам дека со почитување на основните принципи на демократијата, со фер-плеј и предводени од етичките и моралните норми, ќе имаме транспарентни, инклузивни и отчетни локални избори. А најголем победник нека биде демократијата“, вели Костадинов.