Академија Пандев во недела под рефлектори во Струмица ќе игра дерби против Шкупи за врвот на табелата во Првата македонска фудбалска лига во рамки на 8. коло.

Академија Пандев и Шкупи по седум одиграни натпревари со по 14 освоени бодови ја делат првата позиција на табелата. Дефинитивно овој натпревар натпревар ќе го привлече вниманието на фудбалската јавност во Македонија, а мечот е важен и за двете екипи кои атакуваат за првата позиција.

Натпреварот ќе се одигра на стадионот „Благој Истатов“ во Струмица со почеток од 18:00 часот, а главен судија на мечот ќе биде Александар Ставрев од Скопје.