Кандидатот за градоначалник на општина Струмица од редовите на СДСМ, Костадин Костадинов вечерва оствари средба со жителите на село Дабиле.

„Вечерва се сретнав и со сограѓаните од Дабиле. Видов дека околината е убаво средена. Сите главни улици се асфалтирани, чисти тротоари, осветлени, за мерак. Но, треба такви да се одржат, така да се продолжи. Низ пријателска атмосфера, разговаравме и разменивме важни нешта од тукашното секојдневие. Потребно ќе биде да се доврши работата со приклучната канализациона мрежа. Многу важно за иднината тука е реновираното училиште – да може сите млади во соодветни услови да се стекнат со образование и да продолжат напред, со срце за нашата Општина, за Струмица“, напиша Костадинов на социјалните мрежи.