Бараж дуелот за влез во Втората лига – Исток меѓу второпласираните екипи од Трета лига – Југ и Трета лига – Исток конечно е закажан и истиот официјално ќе биде одигран.

Во баражот силите ќе ги одмерат Братство Житоше како второпласирана екипа од ТМФЛ – Југ и Хоризонт Турново како второпласирана екипа од ТМФЛ – Исток.

Натпреварот ќе се одигра во среда (9.јуни) на Градскиот стадион во Штип со почеток од 17:00 часот.

Победникот од овој бараж дуел ќе го пополни местото на радовишка Плачковица која од следната сезона се враќа во Третата лига – Исток и со тоа ќе бидат пополнети сите места во Втората лига – Исток за следната сезона.

Претходно, Локомотива од Градско како шампион на ТМФЛ – Југ и Детонит од Радовиш како шампион на Трета лига – Исток обезбедија директно учество во Втора лига – Исток, додека од Прва лига испадна Беласица која ќе игра во Втората лига – Исток.

Екипи кои ќе се натпреваруваат следната сезона во Втора лига – Исток:

• Беласица
• Кит Го
• Кожуф
• Победа
• Слога Виница
• Каменица Саса
• Осогово
• Детонит
• Локомотива Градско
• Победникот од баражот (Братство Житоше или Хоризонт Турново)