Фудбалерките на Тиверија утре на дерби со АС Јунајтед

Женскиот фудбалски клуб Тиверија утре на Општинското фудбалско игралиште во Струмица ќе го одигра големото дерби со АС Јунајтед.

Дербито за струмичката екипа ќе биде многу важно, па победата и три бодови ќе бидат императив со цел да остане во сериозна трка за шампионската титула, а со тоа и притисокот ќе биде врз домашната екипа. Гостите од Струга доаѓаат ги загубија шансите за прво место, а со тоа и за шампионската титула, па во Струмица доаѓаат без притисок по победа со цел да останат во игра за второто место, а со тоа и подобар пласман на табелата.

Натпреварот кој ќе го привлече најголемото внимание во 20. коло од Првата женска фудбалска лига ќе стартува во 13:00 часот.

Comments are closed.