Во недела се игра првото струмичко градско дерби во новата сезона помеѓу Академија Пандев и Беласица, во рамки на 11 коло од Првата македонска фудбалска лига. Лош старт во новата сезона имаат и двете струмички екипи. Беласица стартуваше катастрофално и на десет одиграни натпревари два пати ремизираше и со два освоени бодови Беласица е последна на табелата. „Пандевци“ подобри во однос на Беласица, на десет одиграни натпревари бележат две победи и едно реми и со вкупно 7 освоени бодови се наоѓаат на единаесеттата позиција.

АРХИВА

Во рамки на Првата лига, првото градско прволигашко дерби беше одиграно на 19 август 2018 година каде Академија Пандев славеше над Беласица со 2:0. Во вториот натпревар одигра на 28 октомври истата година, „пандевци“ славеа убедливо со 3:0, додека на 24 февруари 2019 година, Академија Пандев над Беласица запиша трета победа со минимални 0:1. Нивната последна средба во рамки на Првата лига се одигра на 20 април минатата година, каде Беласица со 0:2 беше подобро од Академија Пандев

Натпреварот се игра на „Благој Истатов“ во Струмица, со почеток од 13:30 часот, без присуство на публика.