17-годишните Мартин Талаков и Ване Крстевски оваа сезона дебитираа во сениорскиот тим на Академија Пандев. Тие се првите играчи кои се родени 2003-та генерација и добиваат минутажа на официјални натпревари во првиот тим.
Горди сме што секоја сезона промовираме нови играчи од младинските категории во сениорскиот тим, а секако таа пракса ќе продолжи и во иднина. Напорната работа и залагањето секогаш даваат добри резултати, истакнаа од Академија Пандев.