Откако беше комплетирана првата фата од Купот на Македонија, денес во просториите на Фудбалската федерација на Македонија се одржа ждрепката за осминафиналето.

у

Академија Пандев во првото коло беше слободна, а во осминафиналето ќе се соочи со Вардар, екипа која одвај се спаси од елиминација од Вардар Форино, откако по 18 пенали успеа да се пласира во осминафиналето.

Интересни и возбудливи натпревари во осминафиналето. Струга Трим Лум ќе се соочи со Работнички, Брегалница ќе ги одмери силите со Беласица, додека Ренова ќе одигра тешко дерби со Пелистер. Шкупи како фаворит ќе игра против Кит Го, Македонија ЃП против второлигашот Каменица Саса, а ждрепката посака Кожуф да се соочи со кратовски Силекс.

Осминафиналните дуели ќе се одиграат на 21 октомври, а четвртфиналните пресметки на 25 ноември. Полуфиналето ќе се игра на 7 април, а мечот за трофејот на 19 мај.