Екипата на Беласица во сабота на „Благој Истатов“ ќе ја пречека Ренова, во натпревар од 8. коло од Првата македонска фудбалска лига. Осма шанса за фудбалерите на Беласица да дојдат до први сезонски бодови, бидејќи екипата е единствена во ПФМЛ која се’ уште нема освоено бодови.

Ренова влезе во голема резултатска криза, на последните 4 натпревари нема запишано победа, ниту реми. Последната победа за екипата од Џепчиште е онаа против Академија Пандев од 22 август.

Натпреварот во Струмица ќе биде неизвесен. Беласица со мотив за прва победа, Ренова со шанса за излез од резултатската криза. Натпреварот ќе се игра со почеток од 15:00 часот, без присуство на публика.