Меѓународниот турнир „Пандев Куп 2020“ ќе се одржи по трет пат. Оваа година учество ќе земаат над 80 екипи во шест возрасни групи: 2006, 2007, 2008, 2009, 2010 и 2011 и помлади.Натпреварите ќе се играт на терените во Струмица и Дојран, од 5 до 8 март 2020 година.

„Ни претставува голема чест што повторно ќе бидеме сведоци на одлични натпревари и уште поголема дружба меѓу сите учесници на третиот турнир Пандев Куп 2020“, истакнаа организаторите на „Пандев Куп 2020“ на нивната официјална фејсбук страница.