Вчера и денеска амбасадорката на Обединетото кралство на Велика Британија и Северна Ирска во Република Северна Македонија, Рејчел Галовеј и нејзините соработници беа во посета на општина Струмица. Во придружба градоначалникот на Струмица Коста Јаневски како и претседателот на Советот на општина Струмица, Марјан Даскаловски и секретарот на Општината, Александар Оџаков, ги посетиа производствените капацитети на „Грозд“ и „Единство“ кадешто гостите се запознаа со процесот на производство.
Со гостите од Амбасадата на Обединетото кралство на Велика Британија и Северна Ирска ги посетиа и манастирите во Водоча и Вељуса.