ФК Тиверија запиша нова победа и во 3. коло од Третата лига – Југоисток, откако со 3:5 ја совладаа екипата на Малеш од Берово на гостински терен.

Тиверија, Слога од Виница и Овче Поле од Свети Николе се единствените три екипи кои имаат максимални 9 бода по три одиграни кола.

Во следното коло Тиверија на домашен терен ќе игра против новајлијата во Трерата лига – Југоисток, екипата на Раклиш од Радовиш, која во 3. коло загуби во Радовиш од Овче Поле со 0:3.

Слога со 3:0 го декласираше ланскиот второлигаш Детонит од Радовиш, Младост Удово на домашен терен загуби со убедливи 1:5 од Василево, Дојранско Езеро со 2:1 ја совлада Брегалница од Делчево.