Академија Пандев со триумф над Пелистер, битолчани во криза

Академија Пандев запиша победа од 3:2 над Пелистер и се „одмазди“ за поразот од првото коло. Во мечот од 12. коло беа досудени дури три пенали, два за гостите од Битола и еден за домаќините. Даниел Миловановиќ со ефективен гол ја стресе мрежата на битолчани за 1:0. Радоста на домашните фудбалери траеше кратко, по досудениот пенал за Пелистер, Валентин Кочоски успешно го реализираше за 1:1. Во 40. минута од натпреварот по автоголот на Христијан Драгарски, Академија Пандев повторно дојде до водство од 2:1.

Академија Пандев - Пелистер, 12. коло ПМФЛ 2

Во вториот дел од натпреварот Пелистер израмни на 2:2, откако беше досуден повторно пенал за гостите, а Кочоски успешно го реализираше. Во 87. минута по досудениот пенал за домаќините, Радески беше сигурен од белата точка и ги постави конечните 3:2.

„Пандевци“ се искачија едно место погоре на табелата, сега со 10 бодови се на десетото место, додека Пелистер со два бодови повеќе е на деветото место на табелата.

Во следното коло Академија Пандев ќе има тешко гостување кај Вардар, додека Пелистер во Битола го чека Силекс, екипи кои се влезени во резултатска криза.

Comments are closed.

Web