Наковски Волеј домаќин на лидерот Вардар Жени

Струмички Наковски Волеј утре ќе биде домаќин на Вардар Жени во рамки на 5. коло од Првата женска одбојкарска лига. Натпреварот ќе биде големо дерби меѓу лидерот Вардар Жени и второпласираната екипа на Наковски Волеј.

ОК Наковски Волеј

Вардар има три од три и нема загубен сет, па со максимални 9 бодови е лидер на табелата, додека Наковски Волеј има две победи и еден пораз, и со вкупно 7 освоени бодови е на второто место на табелата.

Прв судија на натпеварот ќе биде Зафиров Ѓоре, додека втор судија Жабев Зоран. За делегат на натпреварот одреден е Џинес Симон. Натпреварот ќе се игра во ОЗУ „Димитар Влахов“ во Струмица, со почеток од 19:00 часот, без присуство на публика поради пандемијата со Ковид-19.

Comments are closed.