Млад, талентиран и многу успешен – Филип Димкоски утре со промоција на ,,Божилак на исконот”

Утре (16.10) во 19.30 часот во малата сала на Центарот за култура ,,Антон Панов” во Струмица ќе се одржи промоција на книгата ,,Божилак на исконот” од Филип Димкоски.

Filip poet

Како и на претходните три промоции во Прилеп, Скопје и Битола, така и на оваа, книгата ќе биде претставена преку еден необичен и несекојдневен концепт, што досега според бројот на посетителите и според нивните реакции се покажа како успешен. Книгата ,,Божилак на исконот” e избрана за најдобра и е наградена со прва награда минатата година на манифестацијата ,,Вознес” во Битола.

Промоцијата освен поезија изрецитирана од авторот на ,,Божилак на исконот”, Филип Димкоски, ќе содржи и богата уметничка програма која ќе ја реалзираат  членовите на хорот при гимназијата ,,Јане Сандански” под раководство на проф. Анита Станковска, а ќе настапат и младиот оперски пејач Стефан Неданоски, триото Ана Глигорова, д-р Александар Глигоров и д-р Александар Димкоски.

Сценариото за овој настан е подготвено од таткото на Филип, д-р Александар Димкоски. Водител на програмата е доајенката на Македонскиот народен театар, Добрила Чабриќ.

Filip Dimkoski

Авторот и гостите на промоцијата ги покануваат сите Струмичани и сите оние кои имаат можност, желба и кои се отворени да вoсприемаат позитивни вибрации, стихови и музика.

Comments are closed.