„Турново’’ лесно против „Тетекс’’

Турново со сигурен резултат славеше на „Кукуш” против Тетекс во 15. коло во Првата македонска фудбалска лига.

Турновци преку Кочоски поведоа во 31 минута од натпреварот. Резултатот од 1:0 остана до крајот на првото полувреме. Во второто полувреме Тетекс се надеваше на евентуален бод, но Долапчиев во 79. минута го зголеми водство на Турново на 2:0 со што фудбалерите на Тетекс дома си заминаа повторно поразени.

Турново со оваа победа се искачи на 6-тото место со 20 бодови, додека Тетекс останува на дното со само 2 освоени бодови. Во следното коло Турновци гостуваат кај Металург Скопје, тим кој што е пласиран на 5-тото место со 21 бод.
Лидер на табелата останува непоразениот Вардар кој што има 37 бодови, второпласиран е Работнички со 31 бод, додека третопласирана е Шкендија со 24 бодови.
На долниот дел од табелата како и досега Тетекс со 2 бодови, Брегалница е на 9-тото место со 12 бодови.

Автор: Александар Ванев

Comments are closed.