Преставници од американската амбасада во посета на гимназијата

Во склоп на активностите на англискиот клуб SQUARE при СОУ „Јане Сандански“, денес во посета на училиштето беа претставник од Американското катче во Штип и високиот политички офицер на Амбасадата на САД во Скопје, Мариса Мекајсак. Тие поминаа 45 минути во разговор со учениците од II година под раководство на професор Невенка Стојанова. Темите на разговорот беа – што учениците би сакале Вашингтон да знае за Македонија и кои се можностите на учениците за продолжување на нивното образование во САД. Следувашe покана за посета на Американското катче во Штип и посета на Американската амбасада во Скопје, која присутните ученици со задоволство ја прифатија.

 

https://www.facebook.com/media/set/?set=a.298595703590348.70656.261733853943200&type=1

Споменикот на жртвите од пожарот ќе биде поставен кај ,,Тинекс”

Блажо Стојков, Пено Стојанов, Мите Ѓоргиев и Војо Гркљанов, жртвите од пожарот кој го зафати шумското подрачје над Струмице на 23. јули оваа година, ќе добијат свој споменик на Булевар Маршал Тито, во паркот до Тинекс.Тоа советниците едногласно го одлучија на денешната шеесет и трета седница на Советот на општина Струмица.
Советниците на денешниот состанок го подржаа и предлогот за поставување на биста на Цар Самуил во градскиот парк спроти Домот на АРМ, го усвоија предлогот за дополнување на програмата за работа во областа на располагање со градежно земјиште во сопственост на Република Македонија на подрачјето на општина Струмица за 2012 година и донесоа повеќе одлуки од областа на урбанизмот.

Одржана трибина ,,Актуелните состојби во македонското новинарство”

Македонија најкасно до средината на следната година ќе добие Тело за саморегулација со кое ќе бидат опфатени сите облици на медиуми, дознаа учесниците на втората трибина ,, Актуелните состојби во македонското новинарство“ која синоќа се одржа во Домот на АРМ во организација на Младински совет на општина Струмица. Телото за саморегулација ќе се основи како превенција од кршење на Кодексот за новинари, а секој медиум ако направи грешка во известувањето ќе мора, на своја иницијатива, јавно да се извини. На овој начин, како што кажуваа предавачите на трибината, новинарите ќе ја покажат својата одговорност спрема јавноста, како и дека работат во интересот на народот. Покрај оваа новина, на дебата се зборуваше и за состојбите и проблемите со кои се соочуваат новинарите, декриминализацијата на клеветата и навредата и улогата на новинарската фела во градењето на демократијата и цивилното општество. Учесници и предавачи на оваа трибина беа претседателот на Здружението на новинари на Македнија, Насер Селмани, извршниот директор на ЗНМ Драган Секуловски, членот на УО на ЗНМ Филјана Кока и регионалниот координатор на ЗНМ, Ристо Тасев. Со ова е завршена втората дебата во организација на Младински совет, а следната е закажена за 4-ти декември на тема „Актуелните состојби и перспективи на Република Македонија”.

 

https://www.facebook.com/media/set/?set=a.298426793607239.70621.261733853943200&type=1

Временска прогноза за вторник, 27 ноември

Денес во Струмица умерено облачно со дожд. Дневна температура до 14 ℃

Во последните седум дена извршени 5 кражби во Струмица

Цигари, сувомеснати производи, компјутери, гулаби и пиштол во изминатата седмица биле „мета„ на крадците во пет различни кражби во Струмица, а забележената  материјална штета изнесува  402 илјади денари. Во градот се случиле и две сообраќајни несреќи предизвикани од неприлагодена брзина при управување со моторно возило и присуство на алкохол во крвта во кои телесни повреди добиле еден возач и еден пешак.

Како што стои во неделниот информативен билтен на СВР, на подрачјето Струмица во изминатите седум дена се случиле едно разбојништво, 4 физички напади, а пријавени се и 4 нарушувања на јавниот ред и мир.

Вечерва трибина „Актуелните состојби во македонското новинарство“

Вечерва во  Дом на АРМ со почеток во 19:00 часот ФОН Универзитет во соработка со „Младински Совет“ и Регионалниот центар на ЗНМ при општина Струмица, ќе одржи втората јавна трибина на тема „Актуелните состојби во македонското новинарство“.

Учесници и предавачи на оваа трибина се претседателот на Здружението на новинари на Македнија, Насер Селмани, извршниот директор на ЗНМ Драган Секуловски, членот на УО на ЗНМ Филјана Кока и регионалниот координатор на ЗНМ, Ристо Тасев.

На оваа трибина ќе се зборува за актуелните состојби и проблеми со кои се соочуваат новинарите, декриминализацијата на клеветата и навредата, саморегулацијата, новите законски решенија во регулирање на медиумите и улогата на новинарската фела во градењето на демократијата и цивилното општество.

 


ТППЕ – Струмица без интервенции во изминатата недела | www.StrumicaCity.com |

Според извештајот доставен од страна на Територијално противпожарната единица од Струмица во изминатиот период од 19-ти ноември до 25-ти ноември немало ниту една интервенција на територијата на општина Струмица, ниту техничка, ниту гаснење на пожар.

 

Струмица меѓу четири општини во Македонија за јакнење на мултиетничката соработка

Од 23-25 ноември 2012 година, во Охрид се одржа работна средба на тимовите за училишна интеграција од по две основни училишта и претставници од четирите пилот општини: Струмица, Тетово, Битола и Бутел. Од општина Струмица во проектот се вклучени тимовите од двете општински основни училишта „Маршал Тито“-Струмица и „Маршал Тито“-Муртино и советниците од одделението за образование од општина Струмица.

На работната средба присутните беа запознати со активностите од проектот, потоа ги разгледаа клучните наоди од истражувањето на почетната состојба за мултиетничката соработка во училиштата, а се дискутираше и за зајакнување на интеркултурните компетенции на пилот училиштата и општините. На средбата се изработуваа акциони планови за наредниот период, се претстави програмата за интеркултурна размена во Троген, Швајцарија и се разгледаа идните активности и приоритети за обука на наставен кадар, училишното раководство и училишните органи.

Во рамките на овој проект оваа година општина Струмица обезбеди финансиски средства за интеркултурна размена на 40 ученици од училиштата од општина Струмица со деца од Швајцарија, кои во месец август престојуваа во Детското село Песталоци во Швајцарија.

Овој проект се финансира од Детската фондација Песталоци, а е имплементиран од МЦГО-Скопје и општина Струмица, како пилот општина.

 

Временска прогноза за понеделник, 26 ноември

Денес во Струмица облачно и суво со максимална температура до 12 °C

 

Одржана петнаесетата ,,Тортијада” во Банско

Tрадиционалната манифестација ,,Тортијада 2012“ се одржа синоќа во хотелот ,,Цар Самуил” во Банско. До касно во ноќта, лицата со телесен инвалидитет од цела Македонија уживаа во средбата и пријателското дружење, а некои и учествуваа во музичкото натпреварување, правење торти и квиз на знаење. На ,,Тортијада 2012““ се претставија тринаесет Здруженија од Македонија, како и гости од Здружението на инвалидизирани лица од Нови Књежевац – Србија. Во текот на вчерашниот ден, пред официјалниот почеток на прославата, вредните раце на жените од македонските Здруженија направија 13 торти кои приустните ги дегустираа во текот на вечерта. Овој пат немаше прогласена најдобра торта, бидејќи, според мислењето на жирито, сите торти беа подеднакво добри. Манифестацијата ,,Тортијада 2012“ организирана е од страна на Здружението на лица со телесен инвалидитет ,,Мобилност” – Струмица, а под покровителство на Националниот сојуз на лица со телесен инвалидитет “Мобилност Македонија“ и градоначалникот на Струмица, Зоран Заев кој како и секоја година и синоќа присуствуваше на средба.

 

https://www.facebook.com/media/set/?set=a.297916423658276.70469.261733853943200&type=1

Capture