Младите – Управници на потомството

За почеток ќе цитирам еден британски политичар Benjamin Disraeli , чии зборови реално ја отсликуваат положбата на младите во 21 век :

“ Живееме во ера каде зборовите млад и индиферентен не се повеќе синоними. Младите се управници на потомството. ”

Токму така! Можеби сме млади, но не и индиферентен слој од општеството. Со нашето активно учество во одлучувањето и активностите на локално о регионално ниво ја зголемуваме можноста за подемократско, инклузивно и перспективно општество. Сепак втурнувајки се во водите на ова толку хаотично општество наидуваме на сериозни препреки : непочитување на нашите права, манипулација од најраличен вид, недостиг на средства и простор и најмногу од се , бесперспективна ситуација после завршувањето на додипломските студии.

Невработеноста како тема помеѓу младите не е проблем само во Македонија, туку и во цела Европа. Сепак, според некои податоци , дел од земјите како Норвешка, Холандија каде невработеноста кај младите е со многу мал процент , очигледно полесно се справуваат со таквите проблеми. За разлика од нив, Македонија спаѓа во земјите со најголема невработеност на младите и најмала вклученост на истите на пазарот на трудот.

Генералниот секретар на Европската Конфедерација на Синдикатите, Џон Монкс, во една прилика рече дека Европа нема проблем со задржувањето на старите работни места, туку има проблем со создавање на нови работни места. Македонија како држава се соочува и со двата предизвика. Во нашата земја традиционално се игнорираат овие проблеми, се игнорираат и најнеопходните потреби на младите за да тие функционираат како срекни единки во ова македонско општество. Затоа, најчесто се решаваат  среќата да ја побарат некаде надвор од Македонија, онаму каде ќе ги убедат дека зборот демократија има поголема тежина, онаму каде ќе се почувствуваат ослободени од фактот дека треба да преживуваат.

Па драги идни, досегашни и претходни млади генерации…. Мораме да  го избришеме зборот транзиција кој наводно е причината за повеќето од нас да останат без работни места… Мораме да се запрашаме колку ние како млади сме дозволиле да бидеме изгубени во преводот, да бидеме секогаш на листата за чекање…. Мораме да се запрашаме која е тајната на земјите во кои младите успешно ги добиваат своите права… Мораме да бидеме иницијатори на својата среќа, колку и да изгледа недостижно… Мораме да се избориме за она што вистински како млада популација го заслужуваме и да се ослободиме од затворот наречен- преживување. Како што спомнав уште на самиот почеток , да не бидеме индиферентни. Ние да бидеме тие што ќе ги менуваат законите, ние да поставуваме свои правила, правила кои се темелат на вистински вредности, а не на стари излитени штосови… Мораме да се избориме, ние да бидеме вистински управници на потомството.

Марија Петрова

Концерт на македонската филхармонија во Струмица

 

Македонската филхармонија  утре, понеделник 17  септември, ќе одржи концерт во НУЦК ,,Антон Панов“ со почеток во 20 часот. Цената на влезницата изнесува 100 денари.

Претставена Детската академија Brainobrain во Струмица

Вчера во Струмица се одржи промоција на Детската академија Brainobrain која работи со унапредување на способностите и вештините кај децата на возраст од 4 до 14 години.

На презентацијата на родителите им беше презентирано како нивните деца можат преку забава и релаксација да научат некои трајни вештини кои ќе им останат до крајот на животот, како што се концентрацијата, лесната комуникација, самодовербата…

Brainobrain потекнува од Индија, а во Македонија е воведена пред три години и досега се едуцирани 250 деца.

Со работа во Струмица, Детската академија ќе започне во октомври, а предавачите од Струмица ќе бидат професорката по географија Македонка Ѓоргиева и Јулија Џидалова, дипломиран социолог.

Академијата се состои од 10 нивоа, а секое ниво трае од 3-4 месеци, додека месечната чланарина изнесува околу 2000 денари.

 

Галерија

Временска прогноза за недела, 16 септември

 

Времето денеска облачно со повремени врнежи . Максимална дневна температура до 21 степен.

 

Интервенција на ,,Комуналец’’ по дождот

Дигнатата паника во врска со ,,поплавата’’ во пониските делови од Струмица беше непотребна.
Екипите на ЈКПД ,,Комуналец’’ интервенираa во ниските делови на градот и некои од населените места и за пократко време ги санираа сите проблеми кои настанаа по обилниот дожд. На тој начин, спречена е минатогодишната катасатрофа кога се поплавија повеќе домови.

 

 

 

 

 

https://www.facebook.com/media/set/?set=a.271268652989720.62862.261733853943200&type=1

 

Писмена реакција на прес на ОК на ВМРО ДПМНЕ Струмица

 

По одржаниот прес на ОК на ВМРО ДПМНЕ Струмица од ОО СДСМ Струмица со писмена реакција.

 

Писмена реакција на прес на ОК на ВМРО ДПМНЕ Струмица

Датум: 15.09.2012 година

Почитувани,

 

Манипулирање на јавноста – проширено и надоградено, до крај, е најверојатно новата порака со која ОК на ВМРО ДПМНЕ ќе настапи на следните локални избори.

Очајот и паниката во која се наоѓа ВМРО ДПМНЕ си го прават своето, свесни за изгубената подршка од граѓаните, со последните сили на безобразен начин се обидуваат да ќарат ситни политички поени.

Наместо да се потрудат да му помогнат на народот во решавањето на секојдневните проблеми, да му го олеснат животот, упорно го туркаат назад.

Огромната сиромаштија со која граѓаните се среќаваат секојдневно, неизвесната егзистенција и опстанок, натрупаните проблеми во здраството, клекнатата економија, зависноста од кредити, очигледно не претставуваат приоритети за решавање на оваа влада.

Малтретирањето и манипулирањето на граѓаните од страна на ВМРО ДПМНЕ стана секојдневие.

Повеќе од очигледна е паниката и стравот во нивните редови.

Господа од ВМРО ДПМНЕ,

Граѓаните секојдневно гледаат, секојдневно чуствуваат кој им помага а кој ги манипулира, кој им ги решава проблемите а кој ги замајува.

Манипулирањето и замајувањето не Ви поминува кај Струмичани.

 

ОО СДСМ Струмица

Информација од општина Струмица за поплавите во понискиот дел од градот 15.09.2012 г.

Денеска во врска со поплавите во понискиот дел од градот, од општина Струмица информираат дека се преземаат сите мерки за да се санираат  последиците од дождот на неколку улици во понискиот дел на градот. Уште во раните утрински часови екипи на Јавното претпријатие за комунални дејности „Комуналец“ излегоа на терен со механизација и работат на расчистување на наносите од кал и песок и спречување на последиците од поголеми размери. Инаку, овој проблем трајно ќе се реши со доградбата на ободниот канал, кој ќе ги прифаќа атмосферските води од пороите над градот. Иако тоа беше обврска на државата, но откако таа се правеше глува со години за овој проблем, општината одлучи во интерес на граѓаните таа да ја доврши изградбата и за тоа оддели 600 илјади евра од буџетот.

Инаку, досега се изградени 70 отсто од ободниот канал, кој треба да биде целосно готов до крајот на ноември годинава.

 

 

 

Кошаркарите од Струмица за викенд во Србија

 

Кошаркарскиот клуб Струмица е дел од македонските екипи кои овој викенд настапуваат на меѓународните турнири пред почетокот на официјалните настапи во домашните првенства.

Кошаркарите од Струмица се на мини – турнеја во Србија. Вчера и денес тие настапуваат на турнир во Прокупље каде издвојуваа победа со +15 над екипата на Прокупље, а утре и во понеделник ќе играат во Јагодина.

 

Презентација на Brainobrain програмата

 

Сите родители кои имаат желба нивните деца да бидат дел од светот на детската генијалност, да научат за животните способности и вештини како самодоверба, концентрација, визуелизација, да научат како да комуницираат со себе и околината… нека дојдат вечерва на Презентација на Brainobrain програмата во големата салана во Дом  на АРМ во 18ч. Која ја организира Детската Академија Brainobrain Струмица !

 

 

Временска прогноза за сабота, 15 септември

 

Времето денес врнежливо со максимална дневна температура до 23 степен.

 

maski1