Временска прогноза за сабота, 6 октомври

Временска прогноза за сабота, 6 октомври.

Времето денес сончево и топло. Дневна температура до 27 степен.

Општина Струмица со реакција на прес-конференција на УМС на ВМРО ДПМНЕ

По одржаната прес конференција на УМС на ВМРО ДПМНЕ, од општина Струмица со писмена реакција.

 

Општина Струмица и Градоначалникот Зоран Заев го прифаќаат упатениот апел од страна на Унијата на млади сили на ВМРО ДПМНЕ околу одржувањето на спортските игралишта во основните и средните училишта.

Младите луѓе од оваа партија би требало да знаат доколку поразговарале со своите сопартијци кои се дел од Советот на општина Струмица, дека спортските игралишта во училиштата се реконструираат на секои две години. Развојните буџети на Општина Струмица предвидуваат реконструирање на спортските игралишта во непарните и на детските игралишта во парните години. Тоа значи дека следната реконструкција на спортските игралишта во основните и средните училишта е планирана за напролет. Сосема е нормално од временските прилики  и од секојдневна употреба да се оштетуваат и амортизираат, но сето тоа се санира во предвидените рокови согласно програмата за работа.

Ја поздравуваме позитивната грижа на Унијата на млади сили на ВМРО ДПМНЕ за состојбата со спортските игралишта, но ги повикуваме да бидат до крај доблесни да не го премолчуваат фактот дека во изминатите седум и пол години се изградени 16 спортски игралишта и 19 детски игралишта во општината.

Истовремено ги повикуваме да лобираат кај централната власт раководена од нивната партија за изградба на спортска сала во ООУ „Никола Вапцаров“ за да не мораат учениците од ова училиште во зимски услови да вежбаат и спортуваат во своите училници.

И за крај, сакаме  да ги запрашаме дали можеби знаат,  не поради нас туку поради информирање на струмичката јавност, до каде е планираната изградба на базен, тениски игралишта и помошни спортски игралишта во Струмица, за кои Општината обезбеди локации.

Зошто досега ништо не е сторено, ветеното да биде исполнето?

Ако се грижиме за младите и спортот, ајде да се грижиме до крај.

Со почит,

ОПШТИНА СТРУМИЦА

Кабинет на Градоначалник

Дознајте колкава е ,,Моќта на умот и моќта на срцето”

Општина Струмица во соработка со Младински Совет при Општина Струмица организира трибина од областа на филозофијата.

Утре во 11 часот во просториите на Дом на АРМ ќе се одржи трибина ,,Моќта на умот, моќта на срцето”. Трибината е од областа на психологијата и филозофијата, а предавач ќе биде Зоран Крстевски, доктор по филозофски науки кој има објавено четири книги и во нив со своите филозофски размислувања ја приближува законитоста на случувањата во човековиот живот и во човештвото во целост.

Утре ќе се одржи втората ,,Ајваријада” во Струмица

Утре ќе се одржи втората по ред ,,Ајваријада” во Струмица. Манифестацијата ќе започне во 12 часот на плоштадот ,,Гоце Делчев” и на неа ќе учествуваат сите пријавени кандидати кои приложија една тегла домашен ајвар. Тие ќе се борат за првата награда од 300 евра, втора 200 и трета во износ од 100 евра.

Оваа година на ,,Ајваријада” ќе бидат намачкани околу 10 илјади лепчиња со ајвар, а за посетителите е приредено и музичко – забавен дел од програмата.

Прес конференција на ОО СДСМ Струмица 05.10.2012

Општина Струмица, водена од СДСМ и градоначалникот Зоран Заев  во изминативе седум ипол години, докажа дека проблемите на граѓаните, напредокот и развојот на општината се врвни приоритети во работењето.

Се реализираа огромен број на проекти, помали и поголеми.

Напредокот на Струмица се чуствува и гледа на секој чекор. Заедно успеавме да ја направиме Струмица да биде најубаво место за живеење.

Транспарентното работење на општината, како и отчетноста пред граѓаните, во процесот на изготвувањето на програмите за локален развој, односно во процесот на консултации со граѓаните, секојдневно се докажува на дело и претставува стимул за уште поголеми резултати.

Но ние, почитувани граѓани, не застануваме тука!

Како и секогаш, сите заедно, сите социјалдемократи излегуваме на терен, меѓу своите граѓани.

Како продолжение на јавните расправи, одржаните форуми, секојдневните контакти со граѓани, како продолжение на „Работнoто лето“,  сега промовираме уште еден, нов проект.

Под мотото „Отвори врата за иднината“, започнуваме проект од кој ќе произлезе програмата на кандидатот за градоначалник на општина Струмица, Зоран Заев.

Целта на овој проект е да ги поттикнеме и мотивираме сите граѓани, без разлика на партиската, верската или етничката припадност, да дадат предлози, идеи и сугестии, за заедно да ги реализираме истите.

СДСМ и Зоран Заев имаат реален концепт за уште поголем развој на нашата Струмица. Ќе понудиме вистински, правилни и остварливи решенија.Со чист образ, со полно срце, достоинствено, ќе тропнеме на секоја врата, ќе ги посетиме сите домови, ќе оствариме средби со сите граѓани.

Затоа, ве повикуваме, отворете врата, дозволете иднината да влезе во вашиот дом.

Заедно можеме да придонесеме за уште поубава Струмица.

Првачињата од Струмица станаа членови на Детската организација

Денеска во НУЦК ,,Антон Панов” се одржи свечена приредба за првачињата кои оваа година по прв пат седнаа во школските клупи. Новите ученици дадоа свечена заклетва дека вредно ќе учат и ќе остваруваат добри резултати во новата учебна година.
Добредојде во школскиот свет и во Детската организација им посака и градоначалникот Зоран Заев кој ги прими првачињата во својот кабинет.
- Како што јас се гордеам со вас, како што се гордеат вашите родители и наставници, така и вие бидете горди на самите себе, бидејќи такви какви што сте, убави, умни и послушни, сте иднината на Струмица, иднината на Македонија и иднината на светот. Денешниов ден ви дава до знаење дека и покрај вашите училишни обврски, вие не престанувате да бидете тоа што сте. Вие останувате деца, а нам возрасните ни останува задачата да не ја нарушуваме вашата безгрижност и до крај да ги почитуваме вашите права загарантирани со Конвенцијата за права на детето на Обединетите нации. Тие ваши права ви го даваат заслуженото место во нашето општество и заедница, рече градоначалникот Зоран Заев.
Приемот во детската организација традиционално се случува во рамките на детската недела, која во Македонија се одржува од 1 до 7 октомври, а годинава нејзиното мото е „За поубав свет“.

 

https://www.facebook.com/media/set/?set=a.278321218951130.65131.261733853943200&type=1

Временска прогоноза за петок, 5 октомври

Денеска сончево и топло со температура до 28 °C.

 

Претставници на Руската Федерација во работна посета на Струмица

Општина Струмица и градоначалникот Зоран Заев денеска беа домаќини на преставниците на Руската Федерација во Македонија: амбасадорот Олег Николајевич Шчербак, советник за економски прашања -Александар Лесин и член на протоколот во амбасадата Станислав Лупин.

Работната посета започна во кабинетот на градоначалникот на Струмица, а потоа продолжи со заедничко откривање на биста на рускиот космонаут Јуриј Гагарин која рускиот академик и скулптор Григориј Потоцки ја подари на Струмица во знак на пријателството помеѓу Македонија и Русија.

После тоа, градоначалникот Зоран Заев и неговите гости ѓи посетиjа откупниот пункт на „Агрофруктус“, фабриката за конзервирање на зеленчук и преработка на производи од зеленчук „Тргопродукт“ и фабриката за мебел „Ал-Мак“, а официјалната посета заврши со посета на манастирите во Вељуса и Водоча.

 

 

 

https://www.facebook.com/media/set/?set=a.278070405642878.65070.261733853943200&type=1

АКТИВИРАЈ СЕ! НЕ БИДИ ОТПАД! Струмица се приклучи кон акцијата за отпад на 6ти октомври

Вчера асоцијацијата Ајде Македонија одржа состанок во Струмица со општините од југоисточниот регион на РМ со цел финализирање на акцијата на 6ти октомври. Секоја општина ќе организира акција за чистење проследена со едукација во училиштата. Целта на акцијата е да инспирира граѓански активизам и да развие свеста кај граѓаните на темата правилно управување со отпад. Покрај општините, секоја организација, фирма или неформална група граѓани можат да организираат или да се приклучи на одредена активност. Активностите кои може да се преземат се поделени во три категории и тоа, АКЦИЈА, ЕДУКАЦИЈА и ПРОМОЦИЈА.

Пример, под АКЦИЈА, можете да организирате или се приклучите кон акција за чистење или да ја однесете старата хартија во училишниот двор. Под ЕДУКАЦИЈА, организирајте или приклучете се на едукативно предавање или работилница. Под ПРОМОЦИЈА може да организирате Фејсбук или Твитер кампања или пак да направите Флеш моб.  За сите напоменати активности имате насоки, инструкции и материјали на вебстраната (www.ajdemakedonija.mk) што ќе Ви помогнат за успешно организирање на активностите.

Секоја активност мора поединечно да се регистрира. Тоа ќе обезбеди прегледност на активностите кои се реализираат во одредена општина со цел поврзување на граѓаните и промоција на активностите. Веб страната на Ајде Македонија (www.ajdemakedonija.mk) служи како сервис за информации и поврзување.

,,Секоја година во Република Македонија се прават 700.000 тони комунален отпад кој завршува на 54 општински депонии кои имаат капацитет да соберат само 70% (490.000 тони) од тој отпад. Останатите 30% (210.000 тони) завршува во реките, доловите, ливадите и слични локации избрани од самите граѓани. Со оваа акција целиме да придонесеме кон едуцирање на населението за намалување на отпадот кој се прави на годишно ниво (едукација и промоција) и да придонесеме кон отстранување на одредена количина на отпад од природата (акција) за почиста и поздрава животна средина.” – рече Антонио Јовановски

Словенци покажаа интерес за подобрување на енергетската ефикасност во Струмица

Фирма од Словенија е зинтересирана за подобрување на енергетската ефикасност на јавни објекти  во сопственост на  општина Струмица. Проектот ќе се реализира врз основа на јавно – приватно партнерство со општината. Во овој проект се избрани четири објекти  и тоа две основни и две средни училишта. Училиштата ја добија предноста од страна на општината заради подобрување на условите во кои учениците го следат воспитно-образовниот процес. Во тек се анализите што ги прават и фирмата и општината за предностите што ќе ги добијат  училиштата со зголемувањето на енергетската  ефикасност.

bilbord