Миле Грнчаров од СОУ ,,Јане Сандански” на Европскиот парламент во Шпанија

Миле Грнчаров ученик во втора година во средното општинско училиште „Јане Сандански“ од Струмица е член на петчлената екипа која ќе ја претставува Република Македонија на Европскиот парламент во Шпанија.Вкупно 110 ученици од средните училишта во државата се натпреваруваа за место во екипата, а Грнчаров заслужено се најде таму по успешното претставување на националната симулација  што се одржа во Скопје. Со овој успех Миле Грнчаров ја збогати  низата успеси што во последно време ги бележат учениците во СОУ „Јане Сандански“.

Нов асфалт на булеварот ,,Маршал Тито”

Нов  асфалтен слој денеска се стави на булеварот „Маршал Тито“ во Струмица откако претходно заврши гребењето на стариот слој асфалт. Реконструкцијата е извршена на десната страна на коловозот од семафорите пред „Глобал“ до улицата „Балканска“. Со нов асфалт е подновена и „Балканска“.  Вкупната површина со нов асфалтен слој на оваа улица и булеварот „Маршал Тито“ изнесува 6.400 метри квадратни. Овој градежен зафат целосно е финансиран со средства обезбедени од буџетот на општина Струмица.

Струмичани на есенскиот карневал ,,Клопотец” во Хрватска

Карневалски групи од Струмица учествуваа на есенскиот карневал „Клопотец“ што се одржа во Лудберг, Хрватска. Покрај учесниците од Србија, Словенија и домаќините од Хрватска, пред многубројната публика своите маски ги презентираа карневалската група „Кико стил“, здружението „Струма“ и средното општинско училиште „Димитар Влахов“ од Струмица. Со учеството на карневалот во Хрватска се отвори ново пријателство и уште една дестинација за претставување на убавините на струмичкиот карневал.

За прв пат ,,Балонијада” во Струмица – интервју со Лазо Илиески

 

Утре во Струмица на плоштадот ,,Гоце Делчев” со почето од 17 часот за прв пат ќе се одржи ,,Балонијада”, манифестација наменета за деца, но и за возрасните кои сеуште се осеќаат како деца. По овој повод, StrumicaCity разговараше со главниот организатор на оваа случување, Лазо Илиески.

Од каде оваа идеа за ваков вид на манифестација во Струмица?

- Идеата настана од Александар Прендиќ, момчето кое ќе биде инволвирано во самата манифестација како илузионист, а јас бидејќи сум од Струмица сакам да биде тука и затоа ја преземав улогата на домаќин и одговорноста на главен организатор. Сакам оваа убава идеа за заживее овде и да стане дел од традицијата во нашиот град. Балонијадата е еден вид на забава за децата. Има толку многу манифестации, а мал е бројот на оние за деца. Па така решивме да направиме токму ние нешто за нив.

Што можат посетителите да очекуваат утре?

- Посетителите ги очекуваат многу изненадувања: кловнови, возови, магионичар, Мики Маус, Том… Ќе биде и дел од Луна паркот ,,Силвер” и уште многу други нешта.  Градот ќе биде преплавен со стотици хелиумски балони кои во еден миг ќе ги пуштиме во воздухот а со кои ќе пуштиме и стотици желби од стотици мали срциња.

Кој ја финансира оваа манифестација?

-Финансиите доаѓаат од Општина Струмица и градоначалникот Зоран Заев, а имаме и некои спонзори помагатели како што се хотел Илинден, Ресана, Хит радио, Тв Вис итн…

По тој повод, ги поканувам сите Струмичани утре на гратскиот плоштад во 17 часот да бидат дел од забавата, гарантирам дека ќе се вратат дома со огромни насмевки на лицата!

автор: М.И.

Временска прогноза за вторник, 9 октомври

Временска прогноза за вторник, 9 октомври.

Времето денес претежно сончево со дневна температура до 21 степен.

Започнува последната фаза од проектот ,,Биди пожарникар во својот дом”

Вечерва со почеток во 18.00 часот ,,Здружението на професионални пожарникари”-Струмица ќе започне со реализација на последната фаза од проектот ,,Биди пожарникар во својот дом”

Теренеските активности ќе започнат на ул.Ѓорги Василев бр.38 .

Проектот “Биди пожарникар во својот дом” трае од мај оваа година, а финансиран е од страна на Општина Струмица и “Здружението на професионални пожарникари.

Уште еден грант од Европската Унија за Струмица

Општина Струмица доби грант од Европската Унија во износ од 192 илјади евра, наменет за создавање на енергетски ефикасно и независно училиште. Ова значи дека за десет месеци во основното општинско училиште „Сандо Масев“ ќе биде имплементиран независен систем со инсталиран капацитет од 18,5 киловати со очекувано производство на 22 мегават часово електрична енергија на годишно ниво. Со ова најголем дел од потребната енергија во ова училиште која се користи за осветлување, напојување на компјутери и други електрични уреди ќе се создава преку искористување на сончевата енергија.

- За реализација на овој проект ќе биде заменета целокупната кровна конструкција на училиштето, а на дел од него ќе бидат монтирани 10 фотоволтаични панели за индивидуален систем за производство на електрична енергија од сонце. Во просториите на училиштето ќе биде сместена целокупната опрема наменета за трансформација, акумулирање и дистрибуција на електричната енергија. Дополнително, ќе извршиме замена на светилките во целата училишна зграда со нови штедливи светилки со крајно економични енергетски параметри со цел да постигнеме максимален процент на заштеда на енергија. Искористувањето на обвновливите извори на енергија има се поголемо заначење за сигурноста и безбедноста во снабдувањето со енергија и особено во зачувувањето на животната средина. Токму поради тоа општина Струмица во континуитет применува обновливи извори на енергија бидејќи потребата  од енергија се повеќе се зголемува, а електричната енергија е се поскапа, рече на денешната прес конференција градоначалникот Зоран Заев.

Инаку, струмичкиот регион има одлични природни услови за искористување на сончевата енергија за производство на електрична енергија, пред се заради големиот број сончеви денови кој според податоците од Управата за хидрометеоролошки работи изнесува 2444 сончеви часа годишно. Според пресметките, просечното дневно сончево зрачење во Струмица е околу 4,2 киловат часови на метар квадратен. Проектот за создавање на енергетско ефикасно и независно училиште е подготвен заедно со Центарот за развој на југоисточниот плански регион, општина Петрич и асоцијацијата на југозападни општини од Бугарија, а во рамките на програмата на ЕУ за прекугранична соработка меѓу Македонија и Бугарија. Досега, општина Струмица преку грантови од фондовите на ЕУ има искористено над13 милиони евра.

 

 

www.strumica.gov.mk

 

 

Временска прогноза за понеделник, 8 октомври

Временска прогноза за понеделник, 8 октомври.

Времето денес претежно сончево со нешто пониска температура од вчерашната. Дневна температура до 24 степен.

Одржана трибина ,,Моќта на умот и моќта на срцето”

Вчера во Дом на АРМ се одржа трибина од областа на Филозофијата, на тема ,,Моќта на умот и моќта на срцето”.

Трибината ја водеше ДР- ЗОРАН КРСТЕВСКИ (Доктор по Филозофски Науки).

Оваа трибина беше организирана од страна на Општина Струмица во соработка со Младински Совет при Општина Струмица.

https://www.facebook.com/media/set/?set=a.279130815536837.65394.261733853943200&type=1

,,Еделвајс” од Струмица на ,,Разлог – 2012”

Орентациониот клуб ,,Еделвајс” од Струмица учествува на тридневен Меѓународен орентационен натпревар ,,Разлог 2012” во Банско – Бугарија.

,,Нашиот клуб е претставен со 20 натпреварувачи кои се натпреваруваат во повеќе категории.

Овојпат вкупно од Струмица тргнавме 37 лица бидејќи дојдоа и родителите чии деца се натпреваруваат на овој натпревар за да им дадат уште поголема поддршка. По големите остварувања во Турција и на натпреварувањето во Бугарија пред две недели каде освоивме завидни резултати, нашиот клуб се издигна на едно повисоко ниво и затоа и родителите се дел од нашето патување” – рече Ристо Киров, еден од учесниците од ,,Еделвајс”

На натпреварувањето во Банско учествуваат околу 700 натпреварувачи од Македонија, Бугарија, Турција, Србија, Романија и Македонија.

bilbord