Вечерва се игра за победа на ,,Стрит баскет – Струмица 2012’’

Синоќа на третата вечер од ,,Стрит баскет’’ публиката беше најгласна досега во навивање и бодрење на своите фаворити во осмина финалето. Екипите кои се пласираа во следните натпреварувања се: Маф Маф, Н-Баскет, Бабаларе, Далвина, Шкуљ Ловец, Грин Аут, Дурекс и Бате Босилово.

Овие екипи вечерва во 20 часот на Плоштадот ,,Гоце Делчев’’ ќе се борат во завршниот турнир за парични награди кои ќе им ги врачи градоначалникот Зоран Заев и претседателот на Советот на општина Струмица Марјан Даскаловски. Победниците на турнирот ќе добијат награда од 200 евра, второпласираните 100 евра, а екипата која ќе освои трето место ќе добие 50 евра.

И за публиката се очекуваат награди како изненадување, а за нејзино добро расположение ќе биде задолжена групата ,,Дивизија’’

М.М.

Галерија од осминафинале ,,Street basket – Струмица 2012’’

Започнаа театарските денови во Струмица

Со синоќешното откривање на бистата на Ристо Шишков пред Центарот за култура ,,Антон Панов“, градоначалникот Зоран Заев го отвори јубилејниот ХХ Фестивал на камерен театар посветен на овој голем македонски актер.

На свеченото отворање на посетителите им беше прикажан 20-минутен видео перформанс на театарски костими од Марија Папучева, а потоа и изложба на фотографии ,,20 години ФКТ“, од фотографот Сречко Гунчев.

На првата фестивалска вечер на големата сцена се одигра претставата ,,Животот на Молиер“ во изведба на екипата од матичната театарска куќа на Шишков, Македонскиот народен театар од Скопје, а од 23 часот на сцената 112 пред публиката се представи ,,Љубовникот“ во режија на Ирена Стеријовска.

Во наредните 5 дена, колку што ќе трае фестивалот, сите љубители на уметноста, ќе можат да уживаат во претставите кои за нив ќе ги изведуваат актери од Македонија, Литванија, Словенија, Англија, Грција, Србија, Бугарија, Црна Гора и Косово. Исто така, oд 9-ти до 13-ти септември во просториите на Центарот за култура од 11:30 часот ќе се организираат разговори (фоаје) на кои учесниците ќе дискутираат за претставите кои се одиграни претходната вечер.

На последната вечер од фестивалот, актерот со најголемо актерско остварување ќе добие награда ,,Ристо Шишков“ која се состои од медаљон и парична награда од 1500 евра.

М.М.

>>>>>>Галерија<<<<<

 

 

Временска прогноза за недела, 9 септември

 

Во недела се очекува доста топол и сончев ден. Максимална дневна температура до 31 степен.

 

Струмичанка освои најдобар резултат во спортска ориентација

 

Репрезентацијата на Македонија во спортска ориентација која се наоѓа на Југоисточниот европски шампионат во Турција, доби и свој шампион на пијадесталот! Марија Димова од Струмица во категорија W-16 освои 4 место и позади себе остави многу квалитетни и познати натпреварувачки во оваа категорија. За сега петнаесетгодишната репрезентативка со најдобриот резултат порачува од Турција: “ Во тимот владее прекрасна атмосфера поради мојот голем успех. Својата победа им ја посветувам на моите родители кои од секогаш ми даваа максимална поддршка во спортот и секогаш беа тука за мене. Ја посветувам и на сите пријатели и познаници кои ме бодреа и дадоа голема поддршка. Голем поздрав за Македонија и мојата Струмица!“

На Југоисточнио европски шампионат во спортска ориентација се натпреваруваат 12 земји, а Македонија има 19 репрезентативци.

[print_gllr id=1217]

Заврши форумот во Јужна Кореја

Во Сеул, Јужна Кореја, заврши светскиот форум за овластувањата на општините во градењето на општеството без отпад на кој присуствуваше и градоначалникот на општина Струмица, Зоран Заев.

Тој имаше презентација на концептот за регионален пристап во изнаоѓањето на решение на проблемот со собирањето, транспортирањето и санитарното депонирање на смет – предизвици, ризици и одлуки на општините и регионите во светот. На форумот се дебатираше за проблемот што го има целиот свет со соодветното решавање на отпадот кој го создаваат луѓето и фирмите, а беше истакната и загриженоста за таквата состојба. Се усвои резолуција која ќе биде доставена до Обединетите Нации, како и препорака до сите влади во светот за донесување на соодветна регулатива за итно решавање на овој горлив проблем кој ја загрозува иднината на нашата планета. На дводневниот форум свое излагање имаа преку 100 градоначалници од сите делови на светот, министри и други претставници на влади, како и претставници на најголемите светски непрофитни еколошки организации. Градоначалникот Зоран Заев, беше единствен претставник од југоисточна Европа на овој глобален форум, избран од страна на седиштето на РЕЦ во Унгарија.

Во средба на ,,Ристо Шишков“

Со откривањето на бистата на Ристо Шишков во 19:00 часот пред Домот на културата ,,Антон Панов“ денес почнува дваесеттиот Меѓународниот камерен театар посветен на овој голем македонски бард.

Посетителите на фестивалот од 8-ми до 13-ти септември ќе можат да уживаат во 15 претстави кои за нив ќе ги изведуваат актери од Македонија, Литванија, Словенија, Англија, Грција, Србија, Бугарија, Црна Гора и Косово.

Од 9-ти до 13-ти септември во просториите на Домот на културата од 11:30 часот ќе се организираат разговори (фоаје) на кои учесниците ќе дискутираат за претставите кои се одиграни претходната вечер.

Синоќа започна вториот ,,Стрит баскет“ – Струмица 2012

 

Синоќа со почеток во 21:00 часот, започна ,,Стрит баскет – Струмица 2012″ . Иако публиката ја наполни трибината и навиваше за своите фаворити, а натпреварувачите расположени за натпреварување, дождот не дозволи да првата вечер од турнирот во целост се заврши. Играта помеѓу Бабаларе и Флај достигна резултат од 6:4,  но беше прекината 6 минути пред завршетокот и ќе се заврши вечерва со почеток од 19:30  часот на втората вечер од турнирот.

Резултатите од останатите одиграни игри се: Пинк Пантер – Краш 6:5, Краш – Маф Маф 8:5,  Литл Лупе – Бабаларе 3:8.

                                                       Галерија

Градоначалникот Заев го презентираше менаџирањето со отпад на светскиот форум во Сеул

Градоначалникот на општина Струмица Зоран Заев, денеска зборуваше на светскиот форум за овластување на општините во градењето на општество без отпад што се одржува во Сеул, Јужна Кореја, на тема, подобрување со менаџирањето со отпад преку соработка со приватниот сектор. Во своето десетминутно обраќање, градоначалникот Заев го презентираше моделот на избор на концесионер кој ќе менаџира со отпадот во Југоисточниот плански регион, а кој е единствен од таков тип на Балканот.
-Секоја страна, без оглед дали е општина, регион или концесионер, сака да го префрли ризикот на другата страна.Споделувањето на ризикот е од суштинско значење за успех на едно јавно приватно партнерство. Моделот на јавно приватно партнерство кој е применет во југоисточниот регион на Македонија е гаранција за успех. Вклучени се сите десет општини од регионот и сите релевантни институции од оваа област. Во фаза на финални преговори сме со австриската фирма АСА која управува со неколку депонии во повеќе европски градови, рече градоначалникот Зоран Заев на форумот во Сеул.
Исто така, во своето обраќање, градоначалникот ги информираше присутните на форумот и за други проекти од областа на животната средина имплементирани од општина Струмица. Градоначалникот Зоран Заев, е единствен претставник од југоисточна Европа, кој од страна на седиштето на РЕЦ во Унгарија беше избран за претставник на форумот. Учесници на овој престижен форум се градоначалници, претставници на владини институции, мултинационални компании, меѓународни организации и други важни светски чинители од Австралија, Кина, Германија, Унгарија, Шведска, Шпанија, Бразил, Индија, Русија, Јапонија, Тунис, Сингапур, Нов Зеланд и други.

Интервју со Круме Смилков – Утре започнува “Стрит баскет“ во Струмица

Утре започнува вториот по ред “Стрит баскет – Струмица 2012“. За претстојниот турнир StrumicaCity разговараше со Круме Смилков, еден од организаторите на овој спортски турнир.
Колку екипи се имат пријавено досега за натпреварувањето и дали е завршено пријавувањето?
- Досега се имат пријавено 18 екипи, а пријавувањето трае до денеска, до 18 часот. Потоа, ќе се извлекува ждрепка и ќе се прави распоредот на играење. Пријавата е бесплатна и екипата мора да брои 3+1 играчи.
Од каде се пријавените групи?
- Натпреварувачите се од Струмица, но имаме и две екипи од околината. Интересно е тоа што ни се најавија и две женски екипи, но тоа уште не е потврдено.
Какви награди ќе добијат победниците?
- Победниците ќе добијат парични награди, првата награда е 200 евра, втората 100, и третата 50 евра. Финансирањето е од страна на Општина Струмица, а и публиката може да очекува награди.
Кој е задолжен за музичкиот дел од вечерта?
- На турнирот ке настапат “Дивизија“ – хип хоп група од Струмица. Дојдете утре од 20 часот на Плоштадот  “Гоце Делчев“  да се дружиме и забавуваме, а доколку сакате да учествувате и освоите некоја од наградите, сеуште не е касно да се пријавите!
М.М

Прес конференција – 22.08.2012 ОО СДСМ СТРУМИЦА

Почитувани граѓани,
Раководството на Вмро Дпмне сакајќи да го прикрие скандалот со партиското вработување во ЈЗУ Општа болница Струмица, измислува и се фали со реформи на Владата кои не постојат.
Господа од Дпмне, наместо да ја замајувате јавноста со трагикомични и штури реакции обидувајќи се на тој начин да ги заштитите вашите локални моќници,

конечно одговорете им на граѓаните кои ќе бидат лекарите што ќе се грижат за нивното здравје.
Заради тоа, денес, по втор пат ве прашуваме:
-    Кои ви беа критериумите за избор на 9-те доктори по медицина?
-    Зошто формиравте партиска комисија во која членуваат лекари кои се во најтесното раководство на ОК на Вмро Дпмне од Струмица?
-    Дали тие лекари се во роднински врски со пријавените кандидати кои се примени иако имаат остварено слаби резултати?
И така велите дека работите 24/7 и дека граѓаните ви се пред се, барем во рекламите и на билбордите. Е токму заради тоа, истите тие граѓани заслужуваат да ја дознаат вистината.
Објаснете им како е можно кандидат кој се наоѓа на 25-то место од вкупно 32 од ранг листата на бодување да биде примен како лекар иако има значително послаби резултати од сите останати пред него?
Нели ви е срам да зборувате за партизирање во време на владеење кое оддамна поминало и да се повикувате постојано на тоа во отсуство на аргументи, за теми кои се од суштинско значење за граѓаните на општина Струмица?
Па, лекари вработувате! За здравје и човечки животи се работи!
И затоа соберете си ги пајташите, смислете некој поинтелигентен одговор. Крајно време е да престанете да ги манипулирате граѓаните. Доста е од фотографирања и испорачувања на ветувања кои секогаш започнуваат со “ќе”, ветувања кои никогаш не ги остварувате.
Граѓаните се уморија од вашето расипништво и лицемерие! Прочитани сте!
И преиспитајте си ги приоритетите!
Оти, по којзнае кој пат докажавте дека транспарентноста, компетентноста и квалитетот воошто не ви се приоритет во владеењето!!!

POP